ವಂದಲಿ, ಊಟಿ ಮಾರ್ಗದ ಹದಗೆಟ್ಟಿರುವ ರಸ್ತೆಗಳು: ಬೈಕ್ ಸವಾರರ ಜೀವ ಹಿಂಡುತ್ತಿರುವ ಜಾಲಿಗಂಟಿಗಳು

ಉದಯವಾಹಿನಿ ದೇವದುರ್ಗ: ಸಮೀಪದ ಊಟಿ ಮಾರ್ಗವಾಗಿ ವಂದಲಿ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆ ಎಲ್ಲೆಂದರಲ್ಲಿ ಕಿತ್ತಿ ಹೋಗಿದೆ. ತೆಗ್ಗುದಿನ್ನಿಗಳ ಮಧ್ಯೆಯೇ ಸಂಚಾರ ಮಾಡುವಂತಿದೆ. ಈರಸ್ತೆ ಮಾರ್ಗವಾಗಿ ಸಂಚಾರಿಸುವಂತ ಬೈಕ್ ಸವಾರರ ಜೀವ ಹಿಂಡಿದೆ. ಆರೇಳು ವರ್ಷಗಳಿಂದೆ ಪ್ರಧಾನಿ ಮಂತ್ರಿ ಗ್ರಾಮ ಸಡಕ್ ಯೋಜನೆಯಡಿ ರಸ್ತೆ ನಿರ್ಮಿಸಲಾಗಿತ್ತು. ಆದರೆ ನಿರ್ವಹಣೆ ಕೊರತೆ ಹಿನ್ನೆಲೆ ಇದೀಗ ರಸ್ತೆ ಹಾಳಾಗಿದೆ. ಬಿದ್ದಿರುವ ಗುಂಡಿಗಳಿಗೆ ತಾತ್ಕಾಲಿಕ ಮರಂ ಹಾಕಿ ಸುಗಮ ಸಂಚಾರಕ್ಕೆ ಅನುಕೂಲ ಕಲ್ಪಿಸಲು ಅಧಿಕಾರಿಗಳು ಹಿಂದೇಟು ಹಾಕಲಾಗಿದೆ. ಇಲ್ಲಿನ ರಸ್ತೆ ಸಮಸ್ಯೆ ಕುರಿತು ಸ್ಥಳೀಯರು ಶಾಸಕರ ಗಮನಕ್ಕೆ ತರಲಾಗಿದೆ. ಉತ್ತಮ ಗುಣಮಟ್ಟದ ರಸ್ತೆ ನಿರ್ಮಿಸಲು ಕ್ರಿಯೆಯೋಜನೆ ರೂಪಿಸುವಂತೆ ಪಿಡಬ್ಲ್ಯೂಡಿ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ ಎನ್ನಲಾಗುತ್ತಿದೆ. ಕಳೆದ ವರ್ಷಗಳಿಂದ ಈರಸ್ತೆ ಮಾರ್ಗವಾಗಿ ಚಲ್ಲಿಸುವಂತ ಬೈಕ್ ಸವಾರರು ಎದ್ದುಬಿದ್ದು ಸಂಚಾರ ಮಾಡುವಂತಿದೆ. ಇನ್ನು ರಾತ್ರಿವತ್ತಂತೂ ಬೈಕ್ ಸವಾರರು ನಿಧನವಾಗಿ ಚಲ್ಲಿಸಬೇಕಿದೆ. ಗ್ರಾಮೀಣ ಭಾಗದ ರಸ್ತೆಗಳ ಅಭಿವೃದ್ಧಿಗೆ ರಾಜ್ಯ ಮತ್ತು ಕೇಂದ್ರ ಸರಕಾರ ಕೋಟ್ಯಾಂತರ ರೂ. ಅನುದಾನ ವ್ಯಯಿಸುತ್ತಿದೆ. ಆದರೀಗ ನಿರ್ವಹಣೆ ಕೊರತೆ ಹಿನ್ನೆಲೆ ಎಲ್ಲೆಂದರಲ್ಲಿ ರಸ್ತೆಗಳ ಮಧ್ಯೆ ಗುಂಡಿಗಳು ಬಿದ್ದಿದ್ದರಿಂದ ಸುಗಮ ಸಂಚಾರಕ್ಕೆ ಅಡಚರಣೆ ಉಂಟಾಗುತ್ತಿದೆ. ಮಳೆ ಬಂದಾಗಂತೂ ರಸ್ತೆ ಯಾವುದೂ ಗುಂಡಿ ಯಾವುದೂ ಎಂಬಂತಾಗಿದೆ. ಈಮಾರ್ಗದ ರಸ್ತೆಗಳು ಒಂದು ಗುಂಡಿ ತಪ್ಪಿಸಲು ಮೊತ್ತೊಂದು ಗುಂಡಿಗೆ ಎದ್ದುಬಿದ್ದು ಸಂಚಾರ ಮಾಡುತ್ತಿದ್ದರಿಂದ ಬೈಕ್‍ಗಳು ದುರಸ್ತಿಗೆ ಬರುತ್ತಿವೆ ಎಂದು ಊಟ ಗ್ರಾಮಸ್ಥ ಅನ್ವರಪಾಷ್ ಆರೋಪಿಸಿದರು.