ಉದಯವಾಹಿನಿ,ಟಿಪ್ಸ್: ಒತ್ತಡ ಮತ್ತು ಆತಂಕ ಇಂದಿನ ಜೀವನದ ಒಂದು ಭಾಗವಾಗಿದೆ. ಇದನ್ನು ಹೋಗಲಾಡಿಸಲು ಪ್ರಪಂಚದಾದ್ಯಂತ ಜನರು ಹಲವಾರು ರೀತಿಯಲ್ಲಿ ಪ್ರಯತ್ನ ಮಾಡುತ್ತಿದ್ದಾರೆ. ಈ ವಿಧಾನಗಳಲ್ಲಿ ಒಂದು ಮಂಡಲ ಆರ್ಟ್ ಥೆರಪಿ. ಈ ಕಲೆಯಿಂದ ನೀವು ನಿಮ್ಮ ಮಾನಸಿಕ ಆರೋಗ್ಯವನ್ನು ಸುಧಾರಿಸಿಕೊಳ್ಳುವುದು ಮಾತ್ರವಲ್ಲದೆ, ನೀವು ದೀರ್ಘಕಾಲದವರೆಗೆ ಒತ್ತಡದಿಂದ ಮುಕ್ತವಾಗಿರಬಹುದು. ಮಂಡಲ ಚಿಕಿತ್ಸೆಯು ಸರಳವಾದ ಕಲೆಯಾಗಿದ್ದು, ಯಾರಾದರೂ ಪ್ರಯತ್ನಿಸಬಹುದು. ಇದನ್ನು ಮಾಡಲು ನೀವು ವಿಶೇಷ ಕಲಾವಿದರಾಗಿರಬೇಕು ಎಂದಿಲ್ಲ. ಕೆಲವು ಮೂಲಭೂತ ಅಂಶಗಳನ್ನು ಕಲಿಯುವ ಮೂಲಕ ಈ ಕಲೆಯ ಸಹಾಯದಿಂದ ನಿಮ್ಮ ಮತ್ತು ಒತ್ತಡದಿಂದ ಮುಕ್ತಗೊಳಿಸಬಹುದು. ಮಂಡಲ ಎಂಬ ಪದವು ಸಂಸ್ಕೃತದಿಂದ ಬಂದಿದೆ, ಅಂದರೆ ವೃತ್ತ. ಇದು ಒಂದು ವಿನ್ಯಾಸ ಅಥವಾ ಮಾದರಿಯಾಗಿದ್ದು, ಇದರ ಇತಿಹಾಸವು ಬೌದ್ಧಧರ್ಮ ಮತ್ತು ಹಿಂದೂ ಧರ್ಮದ ಆಧ್ಯಾತ್ಮಿಕತೆಗೆ ಸಂಬಂಧಿಸಿದೆ ಎನ್ನುವ ಮಾಹಿತಿ ಇದೆ.
ಮಂಡಲ ವಿನ್ಯಾಸವು ವಾಸ್ತವವಾಗಿ ವಿಶ್ವವನ್ನು ಪ್ರತಿನಿಧಿಸುತ್ತದೆ ಮತ್ತು ವಿಶ್ವದಲ್ಲಿ ಸಮತೋಲನವನ್ನು ತೋರಿಸುತ್ತದೆ. ಬ್ರಹ್ಮಾಂಡವು ತನ್ನೊಳಗೆ ಎಲ್ಲವನ್ನೂ ಒಳಗೊಂಡಿರುವಂತೆಯೇ, ಮಂಡಲದಲ್ಲಿನ ರೇಖೆಗಳು ಕೇಂದ್ರದಲ್ಲಿ ಒಟ್ಟಿಗೆ ಇರುವಂತೆ ಕಾಣುತ್ತದೆ. ಡ್ರೆಕ್ಸೆಲ್ ವಿಶ್ವವಿದ್ಯಾಲಯದ ಅಧ್ಯಯನದ ಪ್ರಕಾರ, ಒತ್ತಡ ಮತ್ತು ಆತಂಕವನ್ನು ನಿವಾರಿಸಲು ಮಂಡಲ ಕಲೆ ತುಂಬಾ ಸಹಾಯಕವಾಗಿದೆ. ನೀವು ಮಂಡಲ ಹಾಕುವಾಗ ಸೂಕ್ಷ್ಮ ರೇಖೆಗಳನ್ನು ಗಮನಿಸುವುದರಿಂದ ಕಲೆಯ ಮೇಲೆ ಸಂಪೂರ್ಣ ಗಮನ ಇಟ್ಟಿರುತ್ತೀರಿ ಇದು ಕಾರ್ಟಿಸೋಲ್ ಹಾರ್ಮೋನ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಹಾಗೂ ಒತ್ತಡವನ್ನು ಸಹ ಕಡಿಮೆ ಮಾಡುತ್ತದೆ.
1. ಒತ್ತಡವನ್ನು ದೂರ ಮಾಡುತ್ತದೆ-
ನೀವು ಹೆಚ್ಚಿನ ಒತ್ತಡದಲ್ಲಿದ್ದರೆ, ಅದು ನಿಮ್ಮ ಎಲ್ಲಾ ಕೆಲಸದ ಮೇಲೆ ಪರಿಣಾಮ ಬೀರುತ್ತಿದ್ದರೆ, ನೀವು ಮಂಡಲ ಕಲಾ ಚಿಕಿತ್ಸೆಯ ಸಹಾಯವನ್ನು ತೆಗೆದುಕೊಳ್ಳಬಹುದು. ಈ ಕಲೆಗಾಗಿ ನೀವು ಪ್ರತಿದಿನ ಕೆಲವು ನಿಮಿಷಗಳನ್ನು ಮೀಸಲಿಟ್ಟರೆ, ನೀವು ವ್ಯತ್ಯಾಸವನ್ನು ಅನುಭವಿಸುತ್ತೀರಿ. ಇದರಿಂದ ಆತಂಕದ ಸಮಸ್ಯೆಯನ್ನು ಕೂಡ ನಿವಾರಿಸಬಹುದು.
2.ನಿದ್ರೆಯ ಸಮಸ್ಯೆ-
ಒತ್ತಡದ ಕಾರಣದಿಂದ ಪ್ರತಿ ರಾತ್ರಿ ನಿಮಗೆ ನಿದ್ರೆ ಮಾಡಲು ಸಾಧ್ಯವಾಗದಿದ್ದರೆ, ಮಲಗುವ ಮೊದಲು ಮಂಡಲ ಕಲೆಯನ್ನು ಮಾಡಲು ಪ್ರಯತ್ನಿಸಿ. ನಿಮ್ಮ ಆಯ್ಕೆಯ ಯಾವುದೇ ಆಕಾರದಲ್ಲಿ ನೀವು ಅದನ್ನು ಮಾಡಬಹುದು. ಇದು ನಿಮಗೆ ಉತ್ತಮ ನಿದ್ರೆಗೆ ಸಹಾಯ ಮಾಡುತ್ತದೆ.
3.ಮನಸ್ಸು ಶಾಂತವಾಗಿರುತ್ತದೆ-
ನೀವು ನಿರಂತರವಾಗಿ ಮಾನಸಿಕ ತೊಳಲಾಟ ಅನುಭವಿಸುತ್ತಿದ್ದರೆ ಅಥವಾ ಎಲ್ಲಾ ಸಮಯದಲ್ಲೂ ನಕಾರಾತ್ಮಕ ಆಲೋಚನೆಗಳನ್ನು ಹೊಂದಿದ್ದರೆ, ನೀವು ಮಂಡಲ ಕಲಾ ಚಿಕಿತ್ಸೆಯ ಸಹಾಯವನ್ನು ಪಡೆಯಬೇಕು. ಇದನ್ನು ಅಭ್ಯಾಸ ಮಾಡುವುದು ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ.
4.ರೋಗಗಳು ದೂರವಾಗುತ್ತವೆ-
ನೀವು ಇದನ್ನು ನಿಯಮಿತವಾಗಿ ಅಭ್ಯಾಸ ಮಾಡಿದರೆ, ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು, ರಕ್ತದೊತ್ತಡವನ್ನು ನಿಯಂತ್ರಿಸಲು, ಉತ್ತಮ ನಿದ್ರೆಯನ್ನು ಪಡೆಯಲು ಇದು ಪರಿಣಾಮಕಾರಿಯಾಗಿದೆ ಎಂದು ಸಂಶೋಧನೆ ಕಂಡುಹಿಡಿದಿದೆ, ಇದು ಅನೇಕ ರೋಗಗಳನ್ನು ತಡೆಯುತ್ತದೆ.
