ಉದಯವಾಹಿನಿ, ಕಂಕೇರ್: ಛತ್ತೀಸ್ಗಢದ ಕಂಕೇರ್ ಜಿಲ್ಲೆಯ ಹಳ್ಳಿಯೊಂದರಲ್ಲಿ ಸ್ವಾತಂತ್ರ್ಯ ದಿನದಂದು ತ್ರಿವರ್ಣ ಧ್ವಜ ಹಾರಿಸಿದ್ದ ವ್ಯಕ್ತಿಯನ್ನು ನಕ್ಸಲರು ಕೊಂದಿದ್ದಾರೆ. ಛೋಟೆಬೇಟಿಯಾ ಪೊಲೀಸ್ ಠಾಣೆ ವ್ಯಾಪ್ತಿಯ ಬಿನಗುಂಡಾ ಗ್ರಾಮದ ನಿವಾಸಿ ಮನೀಶ್ ನುರೇಟಿ ಹತ್ಯೆಯಾದ ವ್ಯಕ್ತಿ. ಶಸ್ತ್ರಸಜ್ಜಿತ ನಕ್ಸಲರ ಗುಂಪು ಗ್ರಾಮಕ್ಕೆ ಆಗಮಿಸಿ ನುರೇಟಿ ಮತ್ತು ಇತರ ಇಬ್ಬರನ್ನು ಕರೆದೊಯ್ದರು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ನಂತರ ಜನ ಅದಾಲತ್ ನಡೆಸಿ ನಂತರ ಗುಂಡು ಹಾರಿಸಿ ಕೊಂದಿದ್ದಾರೆ. ಆದರೆ ಉಳಿದ ಇಬ್ಬರನ್ನು ಥಳಿಸಿದ ನಂತರ ಬಿಡುಗಡೆ ಮಾಡಲಾಗಿದೆ.ಮಾವೋವಾದಿ ಉಗ್ರರು ನುರೇಟಿನನ್ನು ಪೊಲೀಸ್ ಮಾಹಿತಿದಾರ ಎಂದು ಹೇಳುವ ಪೋಸ್ಟರ್ ಹಾಕಿದ್ದಾರೆ, ಇದು ಸುಳ್ಳು ಎಂದು ಅಧಿಕಾರಿ ತಿಳಿಸಿದ್ದಾರೆ.ಕಂಕೇರ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಐಕೆ ಎಲೆಸೆಲಾ ಅವರು ನುರೇಟಿ ಅವರ ಶವವನ್ನು ಇನ್ನೂ ವಶಪಡಿಸಿಕೊಳ್ಳಲಾಗಿಲ್ಲ, ಅವರ ಸಂಬಂಧಿಕರನ್ನು ಸಂಪರ್ಕಿಸ ಲಾಗುತ್ತಿದೆ ಎಂದು ಹೇಳಿದರು.
ನಕ್ಸಲರು ಬಿನಗುಂದ ಗ್ರಾಮಕ್ಕೆ ಆಗಾಗ್ಗೆ ಭೇಟಿ ನೀಡುತ್ತಾರೆ. ಕಳೆದ ಒಂದೂವರೆ ವರ್ಷಗಳಲ್ಲಿ, ನಕ್ಸಲರು ಪೊಲೀಸ್ ಮಾಹಿತಿದಾರರು ಎಂದು ಆರೋಪಿಸಿ ನಾಲ್ಕರಿಂದ ಐದು ಜನರನ್ನು ಕೊಂದಿದ್ದಾರೆ. ಆದಾಗ್ಯೂ, ಮೃತರಲ್ಲಿ ಯಾರಿಗೂ ಪೊಲೀಸರೊಂದಿಗೆ ಯಾವುದೇ ಸಂಪರ್ಕವಿರಲಿಲ್ಲ ಎಂದು ಎಲೆಸೆಲಾ ಹೇಳಿದರು.
ಬೆಳವಣಿಗೆಗಳನ್ನು ದೃಢಪಡಿಸುತ್ತಾ, ಬಸ್ತಾರ್ ರೇಂಜ್ ಇನ್್ಸಪೆಕ್ಟರ್ ಜನರಲ್ ಆಫ್ ಪೊಲೀಸ್ ಸುಂದರರಾಜ್ ಪಿ, ಮನೀಶ್ ನುರೇಟಿ ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ಭಾಗವಹಿಸುತ್ತಿರುವುದನ್ನು ತೋರಿಸುವ ಒಂದು ಸಣ್ಣ ವೀಡಿಯೊ ಕೂಡ ಕಾಣಿಸಿಕೊಂಡಿದೆ ಎಂದು ಹೇಳಿದರು.ಹತ್ಯೆಯ ಬಗ್ಗೆ ತನಿಖೆ ನಡೆಯುತ್ತಿದೆ ಮತ್ತು ಭಾಗಿಯಾದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಐಜಿ ಪ್ರತಿಪಾದಿಸಿದರು.
