ಉದಯವಾಹಿನಿ,ಬೆಂಗಳೂರು: ಇತ್ತೀಚೆಗೆ ದಿಲ್ಲಿ ಮೆಟ್ರೋ ರೈಲುಗಳಲ್ಲಿ ಪ್ರಯಾಣಿಕರು ಸೀಲ್ ಮಾಡಲಾದ ಬಾಟಲ್ಗಳಲ್ಲಿ ಮದ್ಯ ಸಾಗಿಸಲು ದಿಲ್ಲಿ ಮೆಟ್ರೋ ಅವಕಾಶ ನೀಡಿದೆ. ಓರ್ವ ಪ್ರಯಾಣಿಕ ಸೀಲ್ ಮಾಡಲಾದ 2 ಬಾಟಲ್ಗಳನ್ನು ಮಾತ್ರ ಸಾಗಿಸಬಹುದು ಎಂದು ದಿಲ್ಲಿ ಮೆಟ್ರೋ ಹೇಳಿದೆ. ದಿಲ್ಲಿ ಮೆಟ್ರೋ ಪ್ರಕಟಣೆ ಹೊರಬಿದ್ದದ್ದೇ ತಡ, ಬೆಂಗಳೂರು ಮೆಟ್ರೋದಲ್ಲೂ ಮದ್ಯ ಸಾಗಣೆಗೆ ಅವಕಾಶ ಸಿಗಬಹುದಾ ಎಂಬ ಪ್ರಶ್ನೆಗಳು ಎದ್ದಿವೆ. ಸದ್ಯದ ನಿಯಮಗಳ ಪ್ರಕಾರ, ಬೆಂಗಳೂರು ಮೆಟ್ರೋ ರೈಲು ಸಂಸ್ಥೆಯು ಮೆಟ್ರೋ ನಿಲ್ದಾಣಗಳ ಒಳಗೆ ಮದ್ಯ ತರುವುದಕ್ಕೆ ನಿಷೇಧ ಹೇರಿದೆ. ದಿಲ್ಲಿ ಮೆಟ್ರೋ ನಿಯಮ ಸಡಿಲ ಮಾಡಿದ ಬಳಿಕವೂ ಬೆಂಗಳೂರು ಮೆಟ್ರೋ ನಿಯಮಗಳನ್ನು ಸಡಿಲ ಮಾಡಿಲ್ಲ. ಆದ್ರೆ, ಮುಂದಿನ ದಿನಗಳಲ್ಲಿ ಬೇರೆ ಮಹಾ ನಗರಗಳ ಮೆಟ್ರೋ ನಿಗಮಗಳ ಮಾದರಿಯನ್ನು ಅಧ್ಯಯನ ನಡೆಸಿ ಮುಂದಿನ ತೀರ್ಮಾನ ಕೈಗೊಳ್ಳೋದಾಗಿ ಬಿಎಂಆರ್ಸಿಎಲ್ ಹೇಳುತ್ತಿದೆ.
