ಉದಯವಾಹಿನಿ, ನವದೆಹಲಿ: ಒಂದು ಭೂಮಿ, ಒಂದು ಕುಟುಂಬ, ಒಂದು ಭವಿಷ್ಯ’ ಎನ್ನುವ ಸಂದೇಶದೊಂದಿಗೆ ನಡೆದ ಜಿ-೨೦ ಶೃಂಗಸಭೆ, ಭಾರತದ ನಿರ್ಣಾಯಕ ರಾಜತಾಂತ್ರಿಕ ಗೆಲುವಿನೊಂದಿಗೆ ಸಮಾಪನಗೊಂಡಿದೆ. ಭಾರತದ ಅಧ್ಯಕ್ಷತೆಯಲ್ಲಿ ಮುಕ್ತಾಯಗೊಂಡ ಜಿ-೨೦ ಶೃಂಗಸಭೆಯ ಆತಿಥ್ಯವಹಿಸಿ ಯಶಸ್ವಿಗೊಳಿಸಿದ್ದಕ್ಕಾಗಿ ಅಮೇರಿಕಾ ಅಧ್ಯಕ್ಷ ಜೋ ಬೈಡೆನ್ ಸೇರಿದಂತೆ ಜಾಗತಿಕ ನಾಯಕರು ಭಾರತದ ಆತಿಥ್ಯವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.
ಭಾರತದ ಜಿ೨೦ ಅಧ್ಯಕ್ಷ ಸ್ಥಾನದ “ಐತಿಹಾಸಿಕ ಯಶಸ್ಸಿಗೆ” ಪ್ರಧಾನಿ ನರೇಂದ್ರ ಮೋದಿ ಅವರನ್ನು ವಿಶ್ವದ ಉನ್ನತ ನಾಯಕರು ಅಭಿನಂದಿಸಿದ್ದಾರೆ. ಪ್ರಧಾನಿ ಮೋದಿ ಅವರ “ನಿರ್ಣಾಯಕ ನಾಯಕತ್ವ” ಮತ್ತು ಜಾಗತಿಕ ದಕ್ಷಿಣದ ಧ್ವನಿಯನ್ನು ಕೂಡ ಇದೇ ವೇಳೆ ಶ್ಲಾಘಿಸಿದ್ದಾರೆ.
ಇದೇ ವೇಳೆ ಮತನಾಡಿದ ಪ್ರದಾನಿ ನರೇಂದ್ರ ಮೋದಿ ಅವರು ವಿಶ್ವಸಂಸ್ಥೆ ಭದ್ರತಾ ಮಂಡಳಿ ವಿಸ್ತರಣೆ ಮತ್ತು ವಿಶ್ವದ “ಹೊಸ ಸಮಸ್ಯೆಗಳ ಬಗೆಹರಿಸುವುದು” ಜಾಗತಿಕ ಸಂಸ್ಥೆಗಳಲ್ಲಿ ಸುಧಾರಣೆಗಳಿಗೆ ವಿಶ್ವಕ್ಕೆ ಮನವಿ ಮಾಡಿದ್ದಾರೆ.
ಜಿ ೨೦ ಶೃಂಗಸಭೆ ನೇತೃತ್ವ ವಹಿಸಿದ್ದಕ್ಕಾಗಿ ಭಾರತವನ್ನು ಅಮೇರಿಕಾ, ರಷ್ಯಾ ಮತ್ತು ಫ್ರಾನ್ಸ್ ಸೇರಿದಂತೆ ಇನ್ನಿತರೆ ಜಿ-೨೦ ದೇಶಗಳು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.
