ಉದಯವಾಹಿನಿ , ಗಾಜಾ: ಕೆಲ ದಿನಗಳ ಹಿಂದೆ ಆ ಯುದ್ಧ ನಿಲ್ಲಿಸಿದ್ದೆ, ಈ ಯುದ್ಧ ನಿಲ್ಲಿಸಿದೆ ಎಂದು ಬೀಗುತ್ತಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಿಜವಾಗಿಯೂ ಯುದ್ಧಗಳನ್ನು ನಿಲ್ಲಿಸುತ್ತಿಲ್ಲ ಬದಲಾಗಿ, ಕೇವಲ ಬಿಲ್ಡಪ್ಗೊಸ್ಕರಾ ಹೇಳಿಕೆ ಕೊಡುತ್ತಿದ್ದಾನಾ ಎನ್ನುವ ಸಂದೇಹ ಮೂಡುತ್ತಿದೆ. ಯಾಕಂದ್ರೆ ಆತ ಹೇಳುತ್ತಿರುವ ಅದೇಷ್ಟೋ ಯುದ್ಧಗಳು ಆತನಿಂದ ನಿಂತ್ತಿಲ್ಲ;
ಹೌದು, ಮೊನ್ನೆ ಮೊನ್ನೆ ತಾನೇ ಇಸ್ರೇಲ್ ಮತ್ತು ಹಮಾಸ್ ನಡುವೆ ಕದನ ವಿರಾಮವನ್ನ ಘೋಷಣೆ ಮಾಡಿದ್ದ ಬೀಗುತ್ತಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಇಸ್ರೇಲ್ ಸಂಸತ್ತನ್ನು ಉದ್ದೇಶಿಸಿ ಮಾತನಾಡಿದ್ದರು. ಇದರ ತರುವಾಯು ಈಜಿಪ್ಟ್ನಲ್ಲಿ ವಿವಿಧ ರಾಷ್ಟ್ರಗಳ ಸಭೆ ನಡೆಸಿದ್ದ ಟ್ರಂಪ್, ಗಾಜಾಗಾಗಿ ವಿಶೇಷ ಯೋಜನೆ ರೂಪಿಸುತ್ತಿರುವುದಾಗಿಯೂ ತಿಳಿಸಿದ್ದರು. ಆದ್ರೆ ಅಸಲಿಗೆ ಇಸ್ರೇಲ್ ಮತ್ತು ಹಮಾಸ್ ನಡುವೆ ಕದನ ವಿರಾಮ ನಡೆದಿದ್ದೀಯಾ ಎನ್ನುವ ಸಂಶಯ ಮೂಡುತ್ತಿದೆ!
ಇಸ್ರೇಲ್ ಹಾಗೂ ಹಮಾಸ್ ನಡುವಿನ ಟ್ರಂಪ್ ಅವರ ಕದನ ವಿರಾಮ ಏನು ಕೆಲಸ ಮಾಡಿಲ್ಲ! ಯಾಕಂದ್ರೆ ಇಂದು ಇಸ್ರೇಲ್ ಭದ್ರತಾ ಪಡೆಗಳು ಗಾಜಾದಲ್ಲಿ ಹಮಾಸ್ ಪಡೆಗಳ ಮೇಲೆ ದಾಳಿ ಮಾಡಿದೆ ಎಂದು ವರದಿಯಾಗಿದೆ. ಇದಕ್ಕೂ ಮುನ್ನ ದಕ್ಷಿಣ ಗಾಜಾದ ರಫಾದಲ್ಲಿ ಹಮಾಸ್ ಭಯೋತ್ಪಾದಕರು ಇಸ್ರೇಲಿ ಸೈನ್ಯದ ಮೇಲೆ ದಾಳಿ ಮಾಡಿದ್ದರು ಎನ್ನಲಾಗಿದೆ. ಆದಾಗ್ಯೂ, ದಾಳಿಯ ಕುರಿತು ಇಸ್ರೇಲ್ ಇನ್ನೂ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ.
ಮುಂದುವರೆದು, ಇಸ್ರೇಲ್ನ ಚಾನೆಲ್ 12 ರ ವರದಿಯಂತೆ, ಐಡಿಎಫ್ ಗಾಜಾದ ರಫಾ ಪ್ರದೇಶದಲ್ಲಿ ವೈಮಾನಿಕ ದಾಳಿ ನಡೆಸಿದೆ. ಈ ದಾಳಿ, ಗಾಜಾ ಪಟ್ಟಿಯಲ್ಲಿ ಹಮಾಸ್ ಪ್ಯಾಲೆಸ್ಟೀನಿಯನ್ನರ ಮೇಲೆ ದಾಳಿ ನಡೆಸಲು ಇಸ್ರೇಲ್ ಯೋಜಿಸುತ್ತಿದೆ ಎಂದು ಅಮೆರಿಕದಿಂದ ಆರೋಪ ಕೇಳಿಬಂದ ನಂತರ ಸಂಭವಿಸಿದೆ. ಇನ್ನು ಟೈಮ್ಸ್ ಆಫ್ ಇಸ್ರೇಲ್ ವರದಿಯ ಪ್ರಕಾರ, ಗಾಜಾದ ರಫಾದಲ್ಲಿ ಇಸ್ರೇಲಿ ಪಡೆಗಳ ಮೇಲೆ ಉಗ್ರರು ನಡೆಸಿದ ಹಲ್ಲೆಗೆ ಪ್ರತಿಕ್ರಿಯೆಯಾಗಿ ಈ ದಾಳಿ ನಡೆದಿದೆಯೆಂದು ತಿಳಿದುಬಂದಿದೆ.
