ಉದಯವಾಹಿನಿ, ಊಟದಲ್ಲಿ ತರಕಾರಿಗಳ ಪಲ್ಯ ಎಷ್ಟೇ ಚೆನ್ನಾಗಿದ್ದರೂ ಕೊನೆಯಲ್ಲಿ ರಸಂ ಇಲ್ಲದಿದ್ದರೆ ಊಟ ಪೂರ್ಣವಾಗುವುದಿಲ್ಲ ಎಂದು ಕೆಲವರು ಭಾವಿಸುತ್ತಾರೆ. ಅನೇಕರು ಯಾವುದೇ ವಿವಿಧ ಪಲ್ಯಗಳ ಜೊತೆಗೆ ಸಾಂಬಾರ್ ಇಲ್ಲವೇ ರಸಂ ಸಿದ್ಧಪಡಿಸುತ್ತಾರೆ. ಹೆಚ್ಚಿನ ಜನರು ಟೊಮೆಟೊ ರಸಂ, ಹಸಿಮೆಣಸಿನಕಾಯಿ ರಸಂ ಹಾಗೂ ಶುಂಠಿ ರಸಂ ಸೇವಿಸುತ್ತಾರೆ.
ಯಾವಾಗಲೂ ಒಂದೇ ರೀತಿಯ ರಸಂ ಸವಿಯಲು ಬೇಸರ ತರಿಸುತ್ತದೆ. ನಾಲಿಗೆಯು ಕೂಡ ಕೆಲವೊಮ್ಮೆ ಹೊಸ ರುಚಿಗಳನ್ನು ಬಯಸುತ್ತದೆ. ಅದಕ್ಕಾಗಿಯೇ, ನಾವು ನಿಮಗಾಗಿ ನೂತನ ರಸಂ ರೆಸಿಪಿಯನ್ನು ತಂದಿದ್ದೇವೆ. ಬಾಯಲ್ಲಿ ನೀರೂರಿಸುವ ಪುದೀನಾ ರಸಂ ರೆಸಿಪಿಯು ಸಾಮಾನ್ಯ ರಸಂಗಿಂತಲೂ ಹೆಚ್ಚು ರುಚಿಯನ್ನು ಹೊಂದಿರುತ್ತದೆ. ಬಿಸಿ ಅನ್ನದೊಂದಿಗೆ ಅತ್ಯುತ್ತಮ ಕಾಂಬಿನೇಷನ್ ಆಗಿದೆ. ನೀವು ಇದನ್ನು ಈ ರೀತಿ ಮಾಡಿದರೆ ಮಕ್ಕಳು ಹೊಟ್ಟೆ ತುಂಬಾ ಊಟ ಮಾಡುತ್ತಾರೆ. ಈ ರುಚಿಕರವಾದ ಪುದೀನಾ ರಸಂ ತಯಾರಿಸುವುದು ಹೇಗೆ ಎಂಬುದನ್ನು ವಿವರವಾಗಿ ತಿಳಿಯೋಣ.
ಪುದೀನಾ ರಸಂಗೆ ಬೇಕಾಗುವ ಪದಾರ್ಥಗಳು:
ಒಂದು ಕಟ್ಟು – ಪುದೀನಾ
ಎರಡು ಟೀಸ್ಪೂನ್ – ಹುಣಸೆಹಣ್ಣಿನ ತಿರುಳು
ಅರ್ಧ ಕಪ್ – ತೊಗರಿ ಬೇಳೆ
ಒಂದು – ಟೊಮೆಟೊ
ಎರಡು – ಹಸಿ ಮೆಣಸಿನಕಾಯಿ
ಕಾಲು ಟೀಸ್ಪೂನ್ – ಅರಿಶಿನ
ಒಂದೂವರೆ ಟೀಸ್ಪೂನ್ – ರಸಂ ಪುಡಿ
ಒಂದು ಚಿಟಿಕೆ – ಇಂಗು
ಪುದೀನಾ ರಸಂ ತಯಾರಿಸುವ ವಿಧಾನ:
ಹೆಸರು ಕೇಳಿದ ತಕ್ಷಣವೇ ಬಾಯಲ್ಲಿ ನೀರೂರಿಸುವಂತಹ ಪುದೀನಾ ರಸಂ ತಯಾರಿಸಲು ಮೊದಲಿಗೆ, ತೊಗರಿ ಬೇಳೆಯನ್ನು ಒಂದು ಪಾತ್ರೆಯಲ್ಲಿ ಹಾಕಿ ಒಲೆಯ ಮೇಲೆ ಬೇಯಿಸಿ ಅರ್ಧ ಕಪ್ ನೀರನ್ನು ಸೋಸಿ ಪಕ್ಕಕ್ಕೆ ಇಡಿ.
ತೊಗರಿ ಬೇಳೆ ಕುದಿಸುವ ಮೊದಲು, ತಾಜಾ ಪುದೀನಾ ಅರ್ಧ ಕಪ್ ತೆಗೆದುಕೊಂಡು ಕತ್ತರಿಸಿ ಒಂದು ಬಟ್ಟಲಿಗೆ ಹಾಕಿ. ಬಳಿಕ ಅದನ್ನು ಎರಡು ಬಾರಿ ತೊಳೆದು ಪಕ್ಕಕ್ಕೆ ಇಡಿ.
ಬಳಿಕ ಮಿಕ್ಸರ್ ಜಾರ್ ತೆಗೆದುಕೊಂಡು, ತೊಳೆದ ಪುದೀನಾ ಹಾಗೂ ಸ್ವಲ್ಪ ನೀರು ಸೇರಿಸಿ, ನಯವಾದ ಪೇಸ್ಟ್ ಆಗಿ ಪುಡಿಮಾಡಿ ಪಕ್ಕಕ್ಕೆ ಇಡಿ.
ಬಳಿಕ ಹುಣಸೆಹಣ್ಣಿನ ತಿರುಳನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಂಡು ಅದಕ್ಕೆ ಅರ್ಧ ಕಪ್ ನೀರು ಸೇರಿಸಿ, ಮಿಶ್ರಣ ಮಾಡಿ ಸಿದ್ಧವಾಗಿಡಿ.
ಇದೀಗ ಸೂಪ್ ತಯಾರಿಸಲು ದಪ್ಪ ಪ್ಯಾನ್ ಅನ್ನು ಒಲೆಯ ಮೇಲೆ ಇಡಿ, ತಯಾರಾದ ಹುಣಸೆಹಣ್ಣಿನ ರಸವನ್ನು ಸುರಿಯಿರಿ ಹಾಗೂ ಬಿಸಿ ಮಾಡಿ.
ರಸಂ ಸ್ವಲ್ಪ ಬಿಸಿಯಾಗಿ ಮತ್ತು ಕುದಿಯುತ್ತಿರುವಾಗ ಟೊಮೆಟೊ ತುಂಡುಗಳನ್ನು ನಿಮ್ಮ ಕೈಗಳಿಂದ ನಿಧಾನವಾಗಿ ಕಿವುಚಿ ಹಾಕಬೇಕು.
ಬಳಿಕ ಪುದೀನ ಪೇಸ್ಟ್, ಅರಿಶಿನ, ಹಸಿಮೆಣಸಿನಕಾಯಿ ಪೀಸ್ಗಳು, ರಸಂ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು, ಇಂಗು ಹಾಗೂ ಸಾಕಷ್ಟು ನೀರು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಕುದಿಯುವವರೆಗೆ ಕುದಿಯಲು ಬಿಡಬೇಕಾಗುತ್ತದೆ.
