ಉದಯವಾಹಿನಿ, ದುಬೈ: ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಅವರು ಯೂರೋಪ್ನ ಕೆಲವು ದೇಶಗಳ ಮತ್ತು ಬ್ರಿಟನ್ ಹಾಗೂ ಈಜಿಪ್ಟ್ನ ವಿದೇಶಾಂಗ ಸಚಿವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದರು.
ಜೈಶಂಕರ್ ಸೇರಿದಂತೆ ವಿವಿಧ ದೇಶಗಳ ವಿದೇಶಾಂಗ ಸಚಿವರು, ನಾಯಕರು ಮತ್ತು ನೀತಿ ನಿರೂಪಕರು ಮೂರು ದಿನಗಳ ಅಂತರರಾಷ್ಟ್ರೀಯ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲು ದುಬೈನಲ್ಲಿದ್ದಾರೆ.
‘ಲಕ್ಸಂಬರ್ಗ್ನ ಉಪ ಪ್ರಧಾನಿ ಮತ್ತು ವಿದೇಶಾಂಗ ಸಚಿವ ಕ್ಷೇವಿಯರ್ ಬೆಟೆಲ್, ಪೋಲೆಂಡ್ನ ಉಪ ಪ್ರಧಾನಿ ಮತ್ತು ವಿದೇಶಾಂಗ ಸಚಿವ ರೊಡೊಸ್ಲಾವ್ ಸಿಕೋರ್ಸ್ಕಿ ಹಾಗೂ ಲಾತ್ವಿಯದ ವಿದೇಶಾಂಗ ಸಚಿವ ಬೈಬಾ ಬ್ರೇಜ್ ಅವರನ್ನು ಭೇಟಿಯಾದೆ’ ಎಂದು ಅವರು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದಾರೆ.
ಬ್ರಿಟನ್ನ ಉಪ ಪ್ರಧಾನಿ ಡೇವಿಡ್ ಲ್ಯಾಮಿ ಮತ್ತು ಈಜಿಪ್ಟ್ನ ವಿದೇಶಾಂಗ ಸಚಿವ ಬದ್ ಅಬ್ಬೆಲ್ಲತಿ ಅವರನ್ನೂ ಭೇಟಿಯಾದೆ ಎಂದು ಇನ್ನೊಂದು ಪೋಸ್ಟ್ನಲ್ಲಿ ತಿಳಿಸಿದ್ದಾರೆ.
