ಉದಯವಾಹಿನಿ, ವಾಷಿಂಗ್ಟನ್: ಅಮೆರಿಕದಲ್ಲಿ ಹಿಮಪಾತ ಜೋರಾಗ್ತಿದೆ. ಭಾರೀ ಹಿಮಗಾಳಿಯಿಂದಾಗಿ ತಾಪಮಾನ ಕಡಿಮೆಯಾಗ್ತಿದ್ದು, ನ್ಯೂಯಾರ್ಕ್ನಲ್ಲಿ ಎಲ್ಲವೂ ಮಂಜಿನಗಡ್ಡೆಗಳಾಗ್ತಿವೆ. ಕುಡಿಯುವ ನೀರು ಕೂಡ ಗಟ್ಟಿಯಾಗುವ ಪರಿಸ್ಥಿತಿ ನಿರ್ಮಾಣವಾಗ್ತಿದೆ. ಜನಜೀವನ ಅಸ್ತವ್ಯಸ್ತವಾಗುವ ಎಲ್ಲಾ ಲಕ್ಷಣಗಳು ಗೋಚರಿಸ್ತಿವೆ. ಇದರ ಮೊದಲ ಲಕ್ಷಣವಾಗಿ 1 ಸಾವಿರಕ್ಕೂ ಹೆಚ್ಚು ವಿಮಾನಗ
ಳ ಹಾರಾಟ ಸ್ಥಗಿತವಾಗಿದೆ. 1,000 ಕ್ಕೂ ಅಧಿಕ ವಿಮಾನಗಳ ಹಾರಾಟವನ್ನು ರದ್ದುಗೊಳಿಸಲಾಗಿದ್ದು, 4,000ಕ್ಕೂ ವಿಮಾನಗಳ ಹಾರಾಟ ವಿಳಂಬವಾಗಿದೆ. ಇದರಿಂದ ಕ್ರಿಸ್ಮಸ್ ರಜೆ ಕಳೆಯಲು ತೆರಳಿದ್ದ ಪ್ರವಾಸಿಗರು ಪರದಾಡುವಂತಾಗಿದೆ. ನ್ಯೂಯಾರ್ಕ್ನಲ್ಲಿ ಹಿಮಗಾಳಿ ಮುಂದುವರಿದಿದ್ದು, ರಾತ್ರಿಯಿಡೀ 10 ಇಂಚುಗಳಷ್ಟು ಹಿಮ ಬೀಳುವ ನಿರೀಕ್ಷೆಯಿದೆ. ತಾಪಮಾನ ಶೂನ್ಯಕಿಂತ ಕಡಿಮೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ತಜ್ಞರು ಎಚ್ಚರಿಸಿದ್ದಾರೆ
