ಉದಯವಾಹಿನಿ, ಲಂಡನ್: ಲೈಂಗಿಕ ಚಿತ್ರಗಳ ಬಳಕೆಗಾಗಿ ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಒಡೆತನದ ಎಕ್ಸ್ (x) ಅನ್ನು ನಿಷೇಧಿಸಲು ಯುಕೆ ಚಿಂತನೆ ನಡೆಸಿದೆ. ವಿಶ್ವದಾದ್ಯಂತ ಕೋಟ್ಯಾಂತರ ಮಂದಿ ಬಳಸುತ್ತಿರುವ ಸಾಮಾಜಿಕ ಮಾಧ್ಯಮ ಖಾತೆಯಾದ ಎಕ್ಸ್ ನ ಕೃತಕ ಬುದ್ದಿಮತ್ತೆ ಚಾಟ್ಬಾಟ್ ನಲ್ಲಿ ಗ್ರೋಕ್ ಬಳಸಿ ಮಕ್ಕಳ ಲೈಂಗಿಕ ದೌರ್ಜನ್ಯದ ಚಿತ್ರಗಳನ್ನು ರಚಿಸಲಾಗಿದೆ. ಇದು ಕಂಡು ಬಂದ ಬಳಿಕ ಯುಕೆ ಪ್ರಧಾನಿ ಕೀರ್ ಸ್ಟಾರ್ಮರ್ ಅವರು ಯುಕೆಯಲ್ಲಿ ಎಕ್ಸ್ ನಿಷೇಧಕ್ಕೆ ಚಿಂತನೆ ಮಾಡುತ್ತಿದ್ದಾರೆ ಎನ್ನಲಾಗಿದೆ.
ಕೃತಕ ಬುದ್ಧಿಮತ್ತೆಯ ‘ಗ್ರೋಕ್’ ಛಾಯಾಚಿತ್ರಗಳಲ್ಲಿ ಮಹಿಳೆಯರು ಮತ್ತು ಮಕ್ಕಳ ಬಟ್ಟೆಗಳನ್ನು ಬಿಚ್ಚುವ ಚಿತ್ರಗಳಿರುವುದರಿಂದ ಎಕ್ಸ್ ಅನ್ನು ಬ್ರಿಟನ್ನಲ್ಲಿ ನಿಷೇಧಿಸುವ ಸಾಧ್ಯತೆ ಇದೆ. ಇದಕ್ಕಾಗಿ ಯುಕೆ ಪ್ರಧಾನಿ ಕೀರ್ ಸ್ಟಾರ್ಮರ್ ಅವರು ಎಲ್ಲಾ ಆಯ್ಕೆಗಳು ಮೇಜಿನ ಮೇಲೆ ಇರಲಿ ಎಂದು ತಿಳಿಸಿದ್ದಾರೆ ಎನ್ನಲಾಗಿದೆ. ಯುಕೆ ಪ್ರಧಾನಿ ಕೀರ್ ಸ್ಟಾರ್ಮರ್ ಅವರು ಆನ್ಲೈನ್ ಸುರಕ್ಷತಾ ಕಾಯ್ದೆಯ ಸಂಪೂರ್ಣ ಅಧಿಕಾರಗಳನ್ನು ಸೂಚಿಸಿದ್ದಾರೆ. ಇದರಲ್ಲಿ ಶತಕೋಟಿ ಪೌಂಡ್ಗಳ ದಂಡ ಅಥವಾ ಬ್ರಿಟನ್ನಲ್ಲಿ ಎಕ್ಸ್ ಗೆ ಪ್ರವೇಶವನ್ನು ನಿರ್ಬಂಧ ಸೇರಿದೆ. ವಿಶ್ವಾದ್ಯಂತ ಸುಮಾರು 650 ಮಿಲಿಯನ್ ಬಳಕೆದಾರರನ್ನು ಹೊಂದಿರುವ ಎಕ್ಸ್ ಯುಕೆಯಲ್ಲಿ 20 ಮಿಲಿಯನ್ ಬಳಕೆದಾರರನ್ನು ಹೊಂದಿದೆ.ಈ ಕುರಿತು ಎಕ್ಸ್ ಗೆ ವರದಿ ಮಾಡಿರುವ ಯುಕೆ ಪ್ರಧಾನಿ, ಇದನ್ನು ನಿಯಂತ್ರಿಸಲು ತಿಳಿಸಿದೆ. ಇಲ್ಲವಾದರೆ ನಾವು ಇದರ ಮೇಲೆ ಕ್ರಮ ಕೈಗೊಳ್ಳುತ್ತೇವೆ. ಯಾಕೆಂದರೆ ಇದು ಸಹಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.ಈ ಕುರಿತು ಮಾಹಿತಿ ನೀಡಿರುವ ಯುಕೆಯ ಅಂತರ್ಜಾಲ ಸುರಕ್ಷತಾ ಸಂಸ್ಥೆಯು ಎಕ್ಸ್ ನ ಕೃತಕ ಬುದ್ದಿಮತ್ತೆಯು ಗ್ರೋಕ್ ಬಳಸಿ ಲೈಂಗಿಕ ಭಂಗಿಗಳು, ಬಿಕಿನಿಗಳಲ್ಲಿ ಸಾವಿರಾರು ಮಹಿಳೆಯರು ಮತ್ತು ಮಕ್ಕಳ ಚಿತ್ರಗಳನ್ನು ತೋರಿಸಲಾಗಿದೆ. ಗ್ರೋಕ್ನೊಂದಿಗೆ ರಚಿಸಲಾದ ಚಿತ್ರಗಳನ್ನು ಬಹಿರಂಗಪಡಿಸಲಾಗುವುದು. ಇವುಗಳನ್ನು ಕಾನೂನುಬಾಹಿರವಾಗಿ ಮಕ್ಕಳ ಲೈಂಗಿಕ ದೌರ್ಜನ್ಯದ ವಸ್ತುವಾಗಿರುವ ಡಾರ್ಕ್ ವೆಬ್ ಫೋರಂನಲ್ಲಿ ಹಂಚಿಕೊಳ್ಳಲಾಗಿದೆ ಎಂದು ತಿಳಿಸಿದೆ.
