ಉದಯವಾಹಿನಿ, ಇಸ್ಲಾಮಾಬಾದ್: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ʻಭಿಕಾರಿಸ್ತಾನʼ ಅಂತಲೇ ಕುಖ್ಯಾತಿ ಪಡೆದಿರುವ ಪಾಕಿಸ್ತಾನ ಮತ್ತೊಮ್ಮೆ ಮುಖಭಂಗ ಮಾಡಿಕೊಂಡಿದೆ. ಭಾರತದ ವಿರುದ್ಧ ಸದಾ ವಿಷಕಾರುವ ರಕ್ಷಣಾ ಸಚಿವ ಖವಾಜ ಆಸಿಫ್ಗೂ ಇದು ಕಾನೂನು ಸಂಕಷ್ಟ ತಂದೊಡ್ಡಿದೆ.
ಹೌದು. ಖವಾಜ ಆಸೀಫ್ ದೇಶದ ಸಿಯಾಲ್ಕೋಟ್ನಲ್ಲಿ ಪಿಜ್ಜಾ ಹಟ್ ಔಟ್ಲೆಟ್ ಒಂದನ್ನ ಉದ್ಘಾಟಿಸಿದ್ದರು. ಅಚ್ಚರಿ ಏನಪ್ಪಾ ಅಂದ್ರೆ ಆ ಪಿಜ್ಜಾ ಹಟ್ ಅಸಲಿಯೇ ಆಗಿರಲಿಲ್ಲ. ನಕಲಿ ಔಟ್ ಲೆಟ್ ಅನ್ನೋದು ತಡವಾಗಿ ಗೊತ್ತಾಗಿದೆ. ದೇಶದ ರಕ್ಷಣಾ ಸಚಿವರಿಗೆ ಯಾವುದು ಅಸಲಿ ಯಾವುದು ನಕಲಿ ಎನ್ನುವುದು ಗೊತ್ತಿಲ್ಲವೇ ದುರದೃಷ್ಟ ಎಂದು ನೆಟ್ಟಿಗರು ಹಿಗ್ಗಾಮುಗ್ಗಾ ಟ್ರೋಲ್ಗೆಳೆದಿದ್ದಾರೆ.
ಅನಧಿಕೃತ ಪಿಜ್ಜಾ ಹಟ್ ಔಟ್’ಲೆಟ್ ಅನ್ನು ಉದ್ಘಾಟಿಸಿದ ಕೆಲವೇ ಗಂಟೆಯಲ್ಲಿ ಅಧಿಕೃತ ಪಿಜ್ಜಾ ಹಟ್ ಸಂಸ್ಥೆಯಿಂದ ಸ್ಪಷ್ಟನೆ ಬಂದಿದೆ. ನಮಗೂ, ನೀವು ಉದ್ಘಾಟಿಸಿದ ಪಿಜ್ಜಾ ಹಟ್ಗೂ ಯಾವುದೇ ಸಂಬಂಧವಿಲ್ಲ ಅಂತ ಸಂಸ್ಥೆ ಪಬ್ಲಿಕ್ ನೋಟಿಸ್ ನೀಡಿದೆ. ಇದು ಸೋಷಿಯಲ್ ಮೀಡಿಯಾದಲ್ಲೂ ಸಿಕ್ಕಾಪಟ್ಟೆ ವೈರಲ್ ಆಗ್ತಿದ್ದು, ರಕ್ಷಣಾ ಸಚಿವರಿಗೆ ಮುಜುಗರ ತರಿಸಿದೆ.
