ಉದಯವಾಹಿನಿ, ಬೇಸಿಗೆಯ ಬಿಸಿಲು ಹೆಚ್ಚಾಗುತ್ತಿದ್ದಂತೆ, ಜ್ಯೂಸ್ ಅಂಗಡಿಗಳು ಮತ್ತು ಹಣ್ಣಿನ ಅಂಗಡಿಗಳು ತಳ್ಳುವ ಗಾಡಿಯ ವ್ಯಾಪಾರಿಗಳಿಗೆ ವ್ಯಾಪಾರ ಜೋರಾಗಿದೆ. ಸುಡುವ ಬಿಸಿಲಿನಲ್ಲಿ ದೇಹವನ್ನು ಒಳಗಿನಿಂದ ತಂಪಾಗಿಸಲು ನಾವು ಕಲ್ಲಂಗಡಿ ಮತ್ತು ಕರಬೂಜದಂತಹ ರಸಭರಿತ ಹಣ್ಣುಗಳ ಸಹಾಯವನ್ನು ಪಡೆಯುತ್ತೇವೆ. ಕರಬೂಜ ಹಣ್ಣಿನಲ್ಲಿ ಸುಮಾರು 90 ಪ್ರತಿಶತ ನೀರಿನಾಂಶ ಇರುವುದರಿಂದ, ಇದು ದೇಹವನ್ನು ಹೈಡ್ರೀಕರಿಸುವುದಲ್ಲದೇ, ಶಕ್ತಿಯನ್ನು ನೀಡುತ್ತದೆ. ಕರಬೂಜ ಹಣ್ಣು ತಿನ್ನಲು ಸಿಹಿ ಮತ್ತು ರಸಭರಿತವಾದ ಹಣ್ಣಾಗಿರುವುದರಿಂದ ಅದನ್ನು ಕೊಳ್ಳುವಾಗ ಎಚ್ಚರಿಕೆಯಿಂದ ಖರೀದಿಸಬೇಕು. ಎಷ್ಟೋ ಬಾರಿ ನಾವು ಹೊರಗೆ ಹಳದಿ ಬಣ್ಣವಿರುವ ಕರಬೂಜ ಹಣ್ಣನ್ನು ಮನೆಗೆ ತರುತ್ತೇವೆ. ಆದರೆ ಇವುಗಳನ್ನು ಕತ್ತರಿಸಿದಾಗ ಅದರ ಒಳಗೆ ಹಸಿ ಅಥವಾ ಮಸುಕಾಗಿರುತ್ತವೆ. ಇದು ತಿನ್ನಲು ಉತ್ತಮವಾಗಿಲ್ಲದೇ ಇರುವುದನ್ನು ಕಂಡು ನಿರಾಶೆಗೊಳ್ಳುತ್ತೀರಿ. ಹೀಗಾಗಿ ಕರಬೂಜ ಹಣ್ಣನ್ನು ಖರೀದಿಸಲು ಕೆಲವೊಂದಷ್ಟು ಟಿಪ್ಸ್ ಅನ್ನು ನಾವಿಂದು ಈ ಕೆಳಗೆ ತಿಳಿಸುತ್ತೇವೆ.
ಎರಡು ಬೆರಳುಗಳಿಂದ ಪತ್ತೆ ಹಚ್ಚಿ!
ಕರಬೂಜ ಹಣ್ಣನ್ನು ಆರಿಸುವಾಗ ಮೊದಲು ಅದರ ಮೇಲಿನ ನೈಸರ್ಗಿಕ ರೇಖೆಗಳನ್ನು (ಪಟ್ಟೆಗಳು) ನೋಡಿ. ಈ ಎರಡು ರೇಖೆಗಳ ನಡುವೆ ಕನಿಷ್ಠ ಎರಡು ಬೆರಳುಗಳ ಅಂತರವಿದ್ದರೆ, ಹಣ್ಣು ನೈಸರ್ಗಿಕವಾಗಿ ಬಳ್ಳಿಯ ಮೇಲೆ ಹಣ್ಣಾಗಿದೆ ಎಂದರ್ಥ. ಈ ರೇಖೆಗಳನ್ನು ಹೊಂದಿರುವ ಕರಬೂಜ ಯಾವಾಗಲೂ ಸಿಹಿ ಮತ್ತು ರಸಭರಿತವಾಗಿರುತ್ತವೆ.
ತೂಕದ ಸಮತೋಲನ ಮುಖ್ಯ
ನಾವು ದಪ್ಪನೆಯ ಕರಬೂಜ ಒಳ್ಳೆಯದು ಎಂದು ಭಾವಿಸುತ್ತೇವೆ. ಆದರೆ ವಾಸ್ತವ ಇದಕ್ಕೆ ವಿರುದ್ಧವಾಗಿದೆ. ಕರಬೂಜ ದೊಡ್ಡದಾಗಿದ್ದರೂ ತೂಕದಲ್ಲಿ ಹಗುರವಾಗಿದ್ದರೆ, ಅದು ಚೆನ್ನಾಗಿ ಮಾಗಿದೆ ಎಂದರ್ಥ. ಇಂತಹ ಹಣ್ಣಿನಲ್ಲಿ ಕಡಿಮೆ ಬೀಜಗಳು ಮತ್ತು ಹೆಚ್ಚು ತಿರುಳು ಇರುತ್ತದೆ. ಮತ್ತೊಂದೆಡೆ, ತುಂಬಾ ಭಾರವಾದ ಕರಬೂಜ ಒಳಗೆ ಹಣ್ಣಾಗದಿರುವ ಸಾಧ್ಯತೆ ಹೆಚ್ಚು.
ಬಣ್ಣ ಮತ್ತು ವಿನ್ಯಾಸ
ಕರಬೂಜ ಸಿಪ್ಪೆ ಕಂದು ಬಣ್ಣದ್ದಾಗಿದ್ದರೆ, ಅದು ತುಂಬಾ ಸಿಹಿಯಾಗಿರುತ್ತದೆ. ಅಲ್ಲದೇ, ಕಡು ಹಳದಿ ಬಣ್ಣದ ಕಲ್ಲಂಗಡಿಗಳು ಸಿಹಿಯಾಗಿರುತ್ತವೆ. ಕಲ್ಲಂಗಡಿ ತುಂಬಾ ನಯವಾದ, ಸ್ವಚ್ಛ ಮತ್ತು ಹಸಿರಾಗಿ ಕಂಡು ಬಂದರೆ, ಅದನ್ನು ಖರೀದಿಸುವುದನ್ನು ತಪ್ಪಿಸಿ. ಏಕೆಂದರೆ ಅದು ಸಪ್ಪೆಯಾಗಿ ರುಚಿ ನೋಡಬಹುದು.
