ಉದಯವಾಹಿನಿ, ಕೋಪನ್ಹೇಗನ್ (ಡೆನ್ಮಾರ್ಕ್): ಸರಿಸುಮಾರು 200 ವರ್ಷಗಳ ಹಿಂದೆ ಮುಳುಗಿದ್ದ ಡ್ಯಾನಿಶ್ ಯುದ್ಧನೌಕೆಯನ್ನು ಸಮುದ್ರ ಪುರಾತತ್ತ್ವ ತಜ್ಞರು ಕೋಪನ್ಹೇಗನ್ ಬಂದರಿನ ಸಮುದ್ರತಳದಲ್ಲಿ ಪತ್ತೆ ಮಾಡಿದ್ದಾರೆ. 19ನೇ ಶತಮಾನದ ಡ್ಯಾನೆಬ್ರೋಜ್ ಯುದ್ದ ನೌಕೆಯನ್ನು15 ಮೀಟರ್ ಅಲೆಗಳ ಕೆಳಗೆ ದಟ್ಟವಾದ ಕೆಸರು ಮತ್ತು ಬಹುತೇಕ ಶೂನ್ಯ ಗೋಚರತೆಯಲ್ಲಿ ಕೆಲಸ ಮಾಡುವ ಡೈವರ್ಗಳು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.
ಡೆನ್ಮಾರ್ಕ್ನ ವೈಕಿಂಗ್ ಶಿಪ್ ಮ್ಯೂಸಿಯಂ ನೀರೊಳಗಿನ ಉತ್ಖನನವನ್ನು ಮುನ್ನಡೆಸುತ್ತಿರುವ ಸಂಸ್ಥೆಯಾಗಿದ್ದು, ಇದು 1801ರ ಕೋಪನ್ಹೇಗನ್ ಕದನದಿಂದ ಮುಳುಗಿದ ಯುದ್ದ ನೌಕೆಯನ್ನು 225 ವರ್ಷಗಳ ಬಳಿಕ ಪತ್ತೆ ಮಾಡಿರುವುದಾಗಿ ಘೋಷಿಸಿದೆ. ಈ ಯುದ್ದ ನೌಕೆ ಡ್ಯಾನಿಶ್ ರಾಷ್ಟ್ರೀಯ ಭಾವನೆಯಾಗಿದೆ ಎಂದು ಮ್ಯೂಸಿಯಂನ ಕಡಲ ಪುರಾತತ್ತ್ವ ಶಾಸ್ತ್ರದ ಮುಖ್ಯಸ್ಥ ಮಾರ್ಟೆನ್ ಜೋಹಾನ್ಸೆನ್ ತಿಳಿಸಿದ್ದಾರೆ. ಈ ಯುದ್ದವು ಉತ್ಸಾಹಭರಿತವಾಗಿತ್ತು ಎಂದು ಇತಿಹಾಸದಲ್ಲಿ ಉಲ್ಲೇಖವಾಗಿದ್ದು, ಯುದ್ದ ಸಮಯದಲ್ಲಿ ಬ್ರಿಟಿಷ್ ನೌಕಾಪಡೆಗಳಿಂದ ಬಾಂಬ್ ಸ್ಪೋಟಿಸಿತ್ತು ಎಂಬುದನ್ನು ಕೇಳಿದ್ದೇವೆ. ಇದೀಗ ಸಿಕ್ಕಿರುವ ಅವಶೇಷದಿಂದ ನಾವು ಕಲಿಯಬಹುದಾಗಿದೆ ಎಂದಿದ್ದಾರೆ.
ಏನಿದು ಕೋಪನ್ಹೇಗನ್ ಕದನ: ಬ್ರಿಟಿಷ್ ಮತ್ತು ಡ್ಯಾನಿಷರ ನಡುವಿನ ಯುದ್ದ ಇದಾಗಿದೆ. ನೆಲ್ಸನ್ ಮತ್ತು ಬ್ರಿಟಿಷ್ ನೌಕಾಪಡೆಯು ಡೆನ್ಮಾರ್ಕ್ ನೌಕಾಪಡೆಯ ಮೇಲೆ ದಾಳಿ ಮಾಡಿ ಸೋಲಿಸಿತ್ತು. ನೆಲ್ಸನ್ರ ಮಹಾ ಯುದ್ಧಗಳಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ. ಈ ನೌಕಾ ಘರ್ಷಣೆಯಲ್ಲಿ ಸಾವಿರಾರು ಜನರು ಸಾವನ್ನಪ್ಪಿದ್ದು, ಗಾಯಗೊಂಡಿದ್ದರು. ರಷ್ಯಾ ಮತ್ತು ಸ್ವೀಡನ್ ಸೇರಿದಂತೆ ಉತ್ತರ ಯುರೋಪಿಯನ್ ಶಕ್ತಿಗಳ ಮೈತ್ರಿಕೂಟದಿಂದ ಡೆನ್ಮಾರ್ಕ್ ಬಲವಂತಪಡಿಸುವುದು ಈ ಯುದ್ದದ ಉದ್ದೇಶವಾಗಿತ್ತು.
