ಉದಯವಾಹಿನಿ, ಡೆಹ್ರಾಡೂನ್ :(ಉತ್ತರಾಖಂಡ), ಸೆ.೪-ಫಿಲಿಪ್ಪೀನ್ಸ್ ನಲ್ಲಿ ಸಾಮಾನ್ಯವಾಗಿ ಕಂಡುಬರುವ ಯಿಲಾಂಗ್ ಹೂವು ಉತ್ತರಾಖಂಡದಲ್ಲಿ ಮೊದಲ ಬಾರಿಗೆ ಅರಳಿದೆ.
ಇಲ್ಲಿನ ಹಲ್ದ್ವಾನಿ ಅರಣ್ಯದಲ್ಲಿರುವ ಸುಗಂಧ ಉದ್ಯಾನದಲ್ಲಿ ಈ ಹೂವು ಮೊದಲ ಬಾರಿಗೆ ಅರಳಿದೆ. ಈ ಹೂವನ್ನು ಹೆಚ್ಚಾಗಿ ಸುಗಂಧ ದ್ರವ್ಯ ತಯಾರಿಕೆಯಲ್ಲಿ ಬಳಸಲಾಗುತ್ತದೆ. ಸುಗಂಧ ದ್ರವ್ಯ ಉದ್ಯಮದಲ್ಲಿ ಇದಕ್ಕೆ ಸಾಕಷ್ಟು ಬೇಡಿಕೆಯಿದ್ದು, ಉತ್ತರ ಭಾರತದ ಸುಗಂಧ ದ್ರವ್ಯ ಉದ್ಯಮಕ್ಕೆ ಉತ್ತೇಜನ ನೀಡಲಿದೆ.
ಸುಗಂಧ ರಾಣಿ: ೨೦೨೦ ರಲ್ಲಿ, ಉತ್ತರಾಖಂಡ ಅರಣ್ಯ ಸಂಶೋಧನಾ ಸಂಸ್ಥೆಯು ನೈನಿತಾಲ್ ಜಿಲ್ಲೆಯ ದೇಶದ ಅತಿದೊಡ್ಡ ಆರೊಮ್ಯಾಟಿಕ್ ಗಾರ್ಡನ್ನಲ್ಲಿ ಯಿಲಾಂಗ್ (ವೈಜ್ಞಾನಿಕ ಹೆಸರು: ಕೆನಂಗಾ ಒಡೊರಾಟ) ಸಸ್ಯವನ್ನು ನೆಡಿತು. ನೆಟ್ಟ ಮೂರು ವರ್ಷಗಳ ನಂತರ ಈ ಸಸ್ಯವು ಮೊದಲ ಬಾರಿಗೆ ಹೂಬಿಟ್ಟಿತು. ಈ ಹೂವನ್ನು ’ಸುಗಂಧ ದ್ರವ್ಯಗಳ ರಾಣಿ’ ಎಂದೂ ಕರೆಯುತ್ತಾರೆ. ಇದು ಅದರ ಪರಿಮಳಕ್ಕೆ ಹೆಸರುವಾಸಿಯಾಗಿದೆ. ಆಗೋ ಫಾರೆಸ್ಟ್ರಿ ಮಾಡಲು ಮಹಾರಾಷ್ಟ್ರದ ಪುಣೆಯಿಂದ ಈ ಗಿಡವನ್ನು ಇಲ್ಲಿಗೆ ತರಲಾಗಿದೆ.
ಈ ಹೂವನ್ನು ಸುಗಂಧ ದ್ರವ್ಯ ಉದ್ಯಮದ ಜೊತೆಗೆ ಔಷಧೀಯ ತೈಲ, ಔಷಧಗಳ ಉತ್ಪಾದನೆಯಲ್ಲಿ ಬಳಸಲಾಗುತ್ತದೆ. ಈ ಹೂವಿನಿಂದ ತಯಾರಿಸಿದ ಔಷಧವು ಮಧುಮೇಹ, ಪೈಲ್ಸ್, ಅಧಿಕ ರಕ್ತದೊತ್ತಡ, ಅಸ್ತಮಾ ಮತ್ತು ಕೀಲು ನೋವಿಗೆ ಉಪಯುಕ್ತವೆಂದು ಪರಿಗಣಿಸಲಾಗಿದೆ. ಯಿಲಾಂಗ್ ಹೂವುಗಳನ್ನು ಸೌಂದರ್ಯ ಉತ್ಪನ್ನಗಳ ತಯಾರಿಕೆಯಲ್ಲಿಯೂ ಬಳಸಲಾಗುತ್ತದೆ.
