ಉದಯವಾಹಿನಿ ,ಬಂಗಾರಪೇಟೆ: ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಡಾ.ವಿಜಯಕುಮಾರಿ ಆರ್ಸಿಹೆಚ್ ಅಧಿಕಾರಿಯು ಬ್ರಹ್ಮಾಂಡ ಭ್ರಷ್ಠಾಚಾರ ನಡೆಸಿದ್ದಾರೆ ಎಂಬ ವಿಷಯಕ್ಕೆ ಸಂಬ0ಧಪಟ್ಟ0ತೆ ಸ್ವಾಭಿಮಾನ ರೈತಸಂಘದ ಸಂಸ್ಥಾಪಕ ಅಧ್ಯಕ್ಷ ಐತಾಂಡಹಳ್ಳಿ ಮಂಜುನಾಥ್ ಅವರು ಸತತವಾಗಿ 2ವರ್ಷಗಳಿಂದ ಹೋರಾಟ ಮಾಡಿದರು. ಇದರ ಪ್ರತಿಫಲವಾಗಿ ಎಂ.ಎಸ್.ಹೆಗ್ಡೆ ನಗ್ರೆ (ಜಿಲ್ಲಾ ನಿವೃತ್ತ ನ್ಯಾಯಮೂರ್ತಿಗಳು) ಹಾಗೂ ಇಲಾಖೆಯ ಅಧಿಕಾರಿಗಳು ಸುದೀರ್ಘವಾಗಿ ತನಿಖೆ ನಡೆಸಿ ಡಾ.ವಿಜಯಕುಮಾರಿಯವರು ಆರೋಪಿ ಎಂದು ಮಂಡನಾ ವರದಿಯನ್ನು ಮಂಡಿಸಿದರು. ಇವರ ವರದಿಗೆ ಅನುಗುಣವಾಗಿ ಜು.೧೩ರಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಆಯುಕ್ತರು ಒಂದು ವಾರ್ಷಿಕ ಬಡ್ತಿ ಮತ್ತು ಭತ್ಯೆಯನ್ನು ತಡೆಯಿಡಿದು ದಂಡವನ್ನು ವಿಧಿಸಿರುತ್ತಾರೆ. ಇದು ಸಮರ್ಪಕವಾಗಿಲ್ಲದ ಕಾರಣ ಐತಾಂಡಹಳ್ಳಿ ಮಂಜುನಾಥ್ ಅವರು ಮತ್ತೊಮ್ಮೆ ಸಚಿವಾಲಯದ ಮುಖ್ಯ ಕಾರ್ಯದರ್ಶಿಗಳನ್ನು ಭೇಟಿ ಮಾಡಿ ಮತ್ತೊಮ್ಮೆ ಪರಿಶೀಲಿಸುವಂತೆ ಮನವಿ ಮಾಡಲಾಗಿತ್ತು.ಇವರ ಮನವಿಗೆ ಸಕರಾತ್ಮಕವಾಗಿ ಸ್ಪಂಧಿಸಿದ ಕರ್ನಾಟಕ ಸರ್ಕಾರದ ಮುಖ್ಯ ಅಧೀನ ಕಾರ್ಯದರ್ಶಿಗಳು ಮಾನ್ಯ ಸಚಿವರ ಗಮನಕ್ಕೆ ತರುವುದರ ಮೂಲಕ ದಿನಾಂಕ ೦೨/೦೯/೨೦೨೩ರಂದು ಸಚಿವರ ಆದೇಶದಂತೆ ವಿಜಯಕುಮಾರಿಯವರನ್ನು ಸಾರ್ವಜನಿಕ ಮಾಲೂರು ತಾಲ್ಲೂಕು ತುರ್ತು ಚಿಕಿತ್ಸಾ ವೈದ್ಯಾಧಿಕಾರಿ ಹುದ್ದೆಗೆ ವರ್ಗಾವಣೆ ಮಾಡಿ ಆದೇಶಿರುತ್ತದೆ. ಇದು ನ್ಯಾಯಕ್ಕೆ ಸಂದ ಜಯವಾಗಿದೆ ಎಂದು ಮಂಜುನಾಥ್ ಅವರು ಅಭಿಪ್ರಾಯ ವ್ಯಕ್ತಪಡಿಸಿದರು.
ಭ್ರಷ್ಟರಿಗೆ ವರ್ಗಾವಣೆ ಮದ್ದಲ್ಲ: ನಮ್ಮ ದೇಶದಲ್ಲಿ ಸಂವಿಧಾನ ಮತ್ತು ನ್ಯಾಯಾಂಗ ವ್ಯವಸ್ಥೆ ಬಲಿಷ್ಠ ಹಾಗೂ ಸುಭದ್ರವಾಗಿದ್ದರೂ ಸಹ ಭ್ರಷ್ಠ ಅಧಿಕಾರಿಗಳು ಕಾನೂನಿನ ಕಣ್ಣಿಗೆ ಮಣ್ಣೆರಚಿ ಸಾರ್ವಜನಿಕರ ಹಣವನ್ನು ಕೊಳ್ಳೆಹೊಡೆಯುತ್ತಿರುವುದು ಅತ್ಯಂತ ದುರಂತ. ಯಾವುದೇ ಭ್ರಷ್ಠ ಅಧಿಕಾರಿಯನ್ನು ಅಮಾನತು ಮಾಡದೇ ವರ್ಗಾವಣೆಯ ಮೂಲಕ ಅವರ ರಕ್ಷಣೆಗೆ ಸರ್ಕಾರ ನಿಲ್ಲುತ್ತಿದೆಯೇ ಎಂಬ ಸಂಶಯ ಹುಟ್ಟುಹಾಕುತ್ತಿದೆ. ಹಾಗೂ ಪರೋಕ್ಷವಾಗಿ ಇತರ ಭ್ರಷ್ಠ ಅಧಿಕಾರಿಗಳಿಗೆ ಉತ್ತೇಜನ ನೀಡುವಂತಾಗಿದೆ.
