ಸೋಲಾರ್ ಘಟಕದಿಂದ ಬರುವ ಆದಾಯ ಉತ್ಪಾದಕರ ರಕ್ಷಣೆಗೆ : ಡಿ.ವಿ ಹರೀಶ್

ಉದಯವಾಹಿನಿ ಕೋಲಾರ : ಒಕ್ಕೂಟದಲ್ಲಿನ ವಿದ್ಯುತ್‌ ಶುಲ್ಕಕ್ಕೆ ಕಡಿವಾಣ ಹಾಕಲು ಹೊಳಲಿ ಗ್ರಾಮದ ಸಮೀಪವಿರುವ ಒಕ್ಕೂಟದ ಜಮೀನಿನಲ್ಲಿ ಸೋಲಾರ್ ಘಟಕ ಸ್ಥಾಪಿಸಿ ಅದರಿಂದ ಬರುವ ಆದಾಯವನ್ನು ಹಾಲು ಉತ್ಪಾದಕರ ರಕ್ಷಣೆಗೆ ವಹಿಸಲಾಗುತ್ತದೆ ಎಂದು ಕೋಚಿಮುಲ್ ನಿರ್ದೇಶಕ ವಡಗೂರು ಡಿ.ವಿ.ಹರೀಶ್ ತಿಳಿಸಿದರು.

ರಾಜ್ಯದಲ್ಲಿನ ಸುಮಾರು 14 ಒಕ್ಕೂಟಗಳಲ್ಲಿನ ಹಾಲು ಉತ್ಪಾದನೆಯಲ್ಲಿ ಕೋಲಾರ ಚಿಕ್ಕಬಳ್ಳಾಪುರ ಒಕ್ಕೂಟವು ಎರಡನೇ ಸ್ಥಾನವನ್ನು ಪಡೆದಿದೆ ಚಿಂತಾಮಣಿ ಬಳಿ ಐಸ್ ಕ್ರೀಂ ಫ್ಯಾಕ್ಟರಿಗೆ ಆಡಳಿತ ಮಂಡಳಿ ಅನುಮೋದನೆ ನೀಡಿದೆ ಹಂತ ಹಂತವಾಗಿ ಒಕ್ಕೂಟದಿಂದ ಸಿಗುವ ಲಾಭವನ್ನು ಉತ್ಪಾದಕರಿಗೆ ನೀಡಲಾಗುತ್ತದೆ ವಿಟ್ಟಪನಹಳ್ಳಿ ಎಂಪಿಸಿಎಸ್ ಡೇರಿಯು ಸುಮಾರು  36 ವರ್ಷಗಳ ಇತಿಹಾಸ ಹೊಂದಿದೆ ಒಕ್ಕೂಟದಿಂದ ಸೌಲಭ್ಯಗಳನ್ನು ಪಡೆದುಕೊಂಡು ಹಾಲು ಕರೆಯುವ ಯಂತ್ರ, ಬಿಎಂಸಿ ಕೇಂದ್ರದ ಸ್ಥಾಪನೆ ಮಾಡಲಾಗಿದೆ ಈ ಡೇರಿಯೂ ತಾಲೂಕಿನ ಮಾದರಿ ಡೇರಿಗಳಲ್ಲಿ ಒಂದಾಗಿದೆ ಇದೇ ಮಾದರಿಯಲ್ಲಿ ಮುಂದುವರೆಯಲಿ ಎಂದರು.

ಈ ಸಂದರ್ಭದಲ್ಲಿ ವಿಟ್ಟಪನಹಳ್ಳಿ ಡೇರಿ ಅಧ್ಯಕ್ಷ ವಿ.ಆರ್ ಮಂಜುನಾಥ್ ಮಾತನಾಡಿ ಸತತವಾಗಿ ನಾಲ್ಕನೇ ವರ್ಷವು ಹಂತ ಹಂತವಾಗಿ ಲಾಭವನ್ನು ಪಡೆದಿದೆ ಈ ಬಾರಿ ಸುಮಾರು 15 ಲಕ್ಷದಷ್ಟು ವ್ಯಾಪಾರ ಲಾಭ ಹಾಗೂ 6.5 ಲಕ್ಷದಷ್ಟು ನಿವ್ವಳ ಲಾಭವನ್ನು ಪಡೆದಿದೆ ಉತ್ಪಾದಕರನ್ನು ಉತ್ತೇಜಿಸಲು ಉಡುಗೊರೆ ಹಾಗೂ ಬೋನಸ್ ಸಹ ನೀಡಲಾಗಿದೆ ಪಶು ಆಹಾರದಲ್ಲಿ ಒಂದು ಮೂಟೆಗೆ 100 ರೂಪಾಯಿ ಕಡಿಮೆಗೆ ನೀಡಲು ಸಹ ಆಡಳಿತ ಮಂಡಳಿ ನಿರ್ಧರಿಸಿದೆ ಉತ್ಪಾದಕರರು ಗುಣಮಟ್ಟದ ಹಾಲು ನೀಡುವ ಮೂಲಕ ಡೇರಿ ಹಾಗೂ ಒಕ್ಕೂಟವು ಲಾಭಗಳಿಸಲು ಕೈಜೋಡಿಸಬೇಕು ಎಂದರು.

ಈ ಸಂದರ್ಭದಲ್ಲಿ ಕೋಚಿಮುಲ್ ಒಕ್ಕೂಟ ಉಪ ವ್ಯವಸ್ಥಾಪಕ ಡಾ.ಮಹೇಶ್, ಒಕ್ಕೂಟ ಹಣಕಾಸು ವಿಭಾಗದ ಮುರಳಿ, ವಿಸ್ತರಣಾಧಿಕಾರಿ ನಾಗಪ್ಪ, ವಿಟ್ಲಪನಹಳ್ಳಿ ಗ್ರಾಪಂ ಸದಸ್ಯ ಕೋಟೆ ನಾರಾಯಣಸ್ವಾಮಿ, ಸಂಘದ ನಿರ್ದೇಶಕರಾದ ಟಿ.ಹನುಮಪ್ಪ, ಎನ್.ನಾರಾಯಣಸ್ವಾಮಿ, ಪಿ.ಶಂಕರಪ್ಪ, ವಿ.ಎಸ್ . ಸುಬ್ರಮಣಿ, ವಿ.ಎಸ್ ಪ್ರಕಾಶ್ ಬಾಬು, ಚೌಡಮ್ಮ, ರತ್ನಮ್ಮ, ಜಯರಾಮ್, ಕಾರ್ಯದರ್ಶಿ ವಿ.ಎಂ ವೆಂಕಟೇಶ್, ಸಿಬ್ಬಂದಿಗಳಾದ ವಿ.ಎಂ ನಾರಾಯಣಸ್ವಾಮಿ, ಮಾರ್ಕೊಂಡಪ್ಪ, ಮಂಜುನಾಥ್ ಸೇರಿದಂತೆ ಹಾಲು ಉತ್ಪಾದಕರು ಗ್ರಾಮಸ್ಥರು ಇದ್ದರು.