ಉದಯವಾಹಿನಿ, ಬೆಂಗಳೂರು: ಚಂದ್ರನ ದಕ್ಷಿಣ ಧೃವ ಸ್ಪರ್ಶಿಸಿ ಇತಿಹಾಸ ನಿರ್ಮಿಮಿಸಿದ ಚಂದ್ರಯಾನ-೩ ಉಡಾವಣಾ ವಾಹನ ಭೂಮಿಯ ವಾತಾವರಣಕ್ಕೆ ಅನಿಯಂತ್ರಿತ ಮರು ಪ್ರವೇಶ ಮಾಡಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಹೇಳಿದೆ.
ಈ ವರ್ಷ ಜುಲೈ ೧೪ ರಂದು ಚಂದ್ರಯಾನ-೩ ಬಾಹ್ಯಾಕಾಶ ನೌಕೆ ಉದ್ದೇಶಿತ ಕಕ್ಷೆಗೆ ಯಶಸ್ವಿಯಾಗಿ ಸೇರ್ಪಡೆ ಮಾಡಿದ ನಂತರ ಎಲ್ವಿ ಎಂ೩ ಎಂ೪ ಉಡಾವಣಾ ವಾಹನಭೂಮಿಯ ವಾತಾವರಣಕ್ಕೆ ಅನಿಯಂತ್ರಿತ ಮರು-ಪ್ರವೇಶ ಮಾಡಿದೆ ಎಂದು ಇಸ್ರೋ ತಿಳಿಸಿದೆ.
“ಉತ್ತರ ಪೆಸಿಫಿಕ್ ಮಹಾಸಾಗರದ ಮೇಲೆ ಸಂಭವನೀಯ ಪರಿಣಾಮದ ಬಿಂದು ಎಂದು ಊಹಿಸಲಾಗಿದೆ. ಅಂತಿಮ ಟ್ರ್ಯಾಕ್ ಭಾರತದ ಮೇಲೆ ಹಾದುಹೋಗಲಿಲ್ಲ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.
ಭಾರತೀಯ ಕಾಲಮಾನ ಸುಮಾರು ೨.೪೨ರ ಸುಮಾರಿಗೆ ಭೂಮಿಯ ವಾತಾವರಣ ಪುನಃ ಪ್ರವೇಶಿಸಿದೆ.ಉಡಾವಣೆಯಾದ ೧೨೪ ದಿನಗಳಲ್ಲಿ ರಾಕೆಟ್ ದೇಹದ ಮರು-ಪ್ರವೇಶ ಪಡೆದೆ ಎಂದು ತಿಳಿಸಿದೆ.
ಎಲ್ವಿ ಎಂ೩ ಎಂ೪ ಕ್ರಯೋಜೆನಿಕ್ ಮೇಲಿನ ಹಂತದ ಕಾರ್ಯಾಚರಣೆ ನಂತರದ ಕಕ್ಷೆಯ ಜೀವಿತಾವಧಿಯು, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಇಂಟರೇಜೆನ್ಸಿ ಬಾಹ್ಯಾಕಾಶ ಶಿಲಾಖಂಡರಾಶಿಗಳ ಸಮನ್ವಯ ಸಮಿತಿಯಿಂದ ಶಿಫಾರಸು ಮಾಡಿದೆ ಎಂದು ಹೇಳಿದೆ.
