ಉದಯವಾಹಿನಿ, ವಾಷಿಂಗ್ಟನ್ : ಅಧ್ಯಕ್ಷ ಜೋ ಬಿಡೆನ್ ಮತ್ತು ಅವರ ಕುಟುಂಬಕ್ಕೆ 2023ರಲ್ಲಿ ವಿದೇಶಿ ನಾಯಕರಿಂದ ಹತ್ತಾರು ಸಾವಿರ ಡಾಲರ್ ಉಡುಗೊರೆಯಾಗಿ ನೀಡಲಾಯಿತು. ಇದರ ನಡುವೆ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರಿಂದ 20,000 ಡಾಲರ್ ಮೌಲ್ಯದ ವಜ್ರವನ್ನು ಸ್ವೀಕರಿಸಿದ್ದಾರೆ ಎಂಬುದು ಚರ್ಚೆಗೆ ಗ್ರಾಸವಾಗಿದೆ.
ಮೋದಿಯವರಿಂದ 7.5-ಕ್ಯಾರೆಟ್ ವಜ್ರವನ್ನು ಪಡೆದಿರುವುದು ಆ ವರ್ಷದಲ್ಲಿ ಅಧ್ಯಕ್ಷರು ಪಡೆದ ಅತ್ಯಂತ ದುಬಾರಿ ಉಡುಗೊರೆಯಾಗಿದೆ. ಆದರೂ ಅವರು ಯುನೈಟೆಡ್ ಸ್ಟೇಟ್ಸ್ ನಲ್ಲಿರುವ ಉಕ್ರೇನಿಯನ್ ರಾಯಭಾರಿಯಿಂದ 14,063 ಡಾಲರ್ ಮೌಲ್ಯದ ಬ್ರೂಚ್ ಮತ್ತು ಬ್ರೇಸ್ಲೆಟ್, ಬ್ರೂಚ್ ಪಡೆದರು ಎಂದು ರಾಜ್ಯ ಇಲಾಖೆ ಪ್ರಕಟಿಸಿದ ವಾರ್ಷಿಕ ಲೆಕ್ಕಪತ್ರದಲ್ಲಿ ಬಹಿರಂಗ ಪಡಿಸಲಾಗಿದೆ.
ಈಜಿಪ್್ಟನ ಅಧ್ಯಕ್ಷರು 4,510 ರೂ ಮೌಲ್ಯದ ಉಡುಗೊರೆ ನೀಡಿದ್ದಾರೆ. ಪ್ರಸ್ತುತ 20,000 ಡಾಲರ್ ಮೌಲ್ಯದ ವಜ್ರವನ್ನು ವೈಟ್ ಹೌಸ್ ಈಸ್ಟ್ ವಿಂಗ್ನಲ್ಲಿ ಅಧಿಕೃತ ಬಳಕೆಗಾಗಿ ಉಳಿಸಿಕೊಳ್ಳಲಾಗಿದೆ. ರಾಜ್ಯ ಇಲಾಖೆಯ ದಾಖಲೆಯ ಪ್ರಕಾರ, ಅಧ್ಯಕ್ಷ ಮತ್ತು ಅವರ ಪತ್ನಿ ಪ್ರಥಮ ಮಹಿಳೆಗೆ ಇತರ ಉಡುಗೊರೆಗಳನ್ನು ಆರ್ಕೈವ್ಗಳಿಗೆ ಕಳುಹಿಸಲಾಗಿದೆ. ವಜ್ರದ ಬಳಕೆಯ ಕುರಿತು ಪ್ರತಿಕ್ರಿಯೆ ವಿನಂತಿಗೆ ಪ್ರಥಮ ಮಹಿಳೆಯ ಕಚೇರಿ ತಕ್ಷಣವೇ ಪ್ರತಿಕ್ರಿಯಿಸಲಿಲ್ಲ. ಇತ್ತೀಚೆಗೆ ರಾಜಕೀಯ ಸಂಕಷ್ಟದಲ್ಲಿ ಸಿಲುಕಿರುವ ದಕ್ಷಿಣ ಕೊರಿಯಾದ ಅಧ್ಯಕ್ಷ ಸುಕ್ ಯೋಲ್ ಯೂನ್ ಅವರಿಂದ 7,100 ಡಾಲರ್ ಮೌಲ್ಯದ ಫೋಟೋ ಆಲ್ಬಮ್, ಮಂಗೋಲಿಯನ್ ಪ್ರಧಾನಿಯಿಂದ 3,495 ಡಾಲರ್ ಮಂಗೋಲಿಯನ್ ಯೋಧರ ಪ್ರತಿಮೆ, 3,300 ಬೆಳ್ಳಿಯ ಬಟ್ಟಲು ಸೇರಿದಂತೆ ಅಧ್ಯಕ್ಷರು ಸ್ವತಃ ಹಲವಾರು ದುಬಾರಿ ಉಡುಗೊರೆಗಳನ್ನು ಪಡೆದರು.
