ಉದಯವಾಹಿನಿ, ಬೆಂಗಳೂರು: ಈಗಾಗಲೇ ಬೆಲೆ ಏರಿಕೆಯಿಂದ ಜನರು ತತ್ತರಿಸಿ ಹೋಗಿದ್ದಾರೆ. ಈ ನಡುವೆ ಇದೀಗ ವಾಹನ ಸವಾರರಿಗೆ ಬಿಗ್ ಶಾಕ್ ಎನ್ನುವಂತೆ ಬೆಂಗಳೂರು-ಮೈಸೂರು Express Highway ಟೋಲ್ ದರದಲ್ಲಿ ಭಾರೀ ಹೆಚ್ಚಳ ಮಾಡಲಾಗಿದೆ.ಜೂನ್.1ರಿಂದಲೇ ಜಾರಿಗೆ ಬರುವಂಕೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ಆದೇಶ ಹೊರಡಿಸಿದೆ.
ಮೈಸೂರು-ಬೆಂಗಳೂರು Express Highway ಟೋಲ್ ದರವನ್ನು ಶೇ.22ರಷ್ಟು ಹೆಚ್ಚಳ ಮಾಡಿ, ವಾಹನ ಸವಾರರ ಜೇಬಿಗೆ ಕತ್ತರಿಯನ್ನು ಸದ್ದಿಲ್ಲದೇ ಹಾಕಿದೆ.ಫಾಸ್ಟ್ ಟ್ಯಾಗ್ ನಿಂದ ವಾಹನ ಸಾವರರು ಹಣ ಪಾವತಿ ಮಾಡುತ್ತಿರುವ ಕಾರಣ, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ಮೈಸೂರು-ಬೆಂಗಳೂರು Express Highway ಟೋಲ್ ದರವನ್ನು ಶೇ.22ರಷ್ಟು ಹೆಚ್ಚಳ ಮಾಡಿರುವುದು ಅರಿವಿಗೆ ಬಂದಿಲ್ಲ.ಈ ಹಿಂದೆ ಏಪ್ರಿಲ್ 1ರಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ಮೈಸೂರು-ಬೆಂಗಳೂರು Express Highway ಟೋಲ್ ದರವನ್ನು ಹೆಚ್ಚಳ ಮಾಡಿತ್ತು. ಆದ್ರೇ ಸಾರ್ವಜನಿಕರ ಆಕ್ರೋಶದ ಹಿನ್ನಲೆಯಲ್ಲಿ, ದರ ಹಚ್ಚಳ ಆದೇಶವನ್ನು ವಾಪಾಸ್ಸು ಪಡೆದಿತ್ತು. ಆದ್ರೇ ಈಗ ಮತ್ತೆ ಜೂನ್ 1ರಿಂದ ಜಾರಿಗೆ ಬರುವಂತೆ ದರ ಹೆಚ್ಚಳ ಮಾಡಿದೆ. ಹೀಗಿದೆ ನೂತನ ಟೋಲ್ ದರ ಪಟ್ಟಿ ವ್ಯಾನ್, ಕಾರು, ಜೀಪ್ ಗಳ ಏಕಮುಖ ಸಂಚಾರಕ್ಕೆ ಈ ಹಿಂದೆ ರೂ.135 ಇದ್ದ ದರವನ್ನು ರೂ.165ಕ್ಕೆ ಅಂದರೆ ರೂ.30 ಹೆಚ್ಚಳ ಮಾಡಿದೆ. ಮಿನಿ ಬಸ್, ಲಘುವಾಹನಗಳ ಏಕ ಮುಖ ಟೋಲ್ ದರ ರೂ.220 ಇದ್ದದ್ದನ್ನು ರೂ.270ಕ್ಕೆ ಏರಿಸಿದೆ. ಅಂದರೆ ರೂ.50 ಹೆಚ್ಚಳ ಮಾಡಿದೆ.
ಬಸ್, ಟ್ರಕ್, 2 ಆಕ್ಸೆಲ್ ವಾಹನಗಳ ಏಕಮುಖ ಸಂಚಾರದ ದರವನ್ನು ರೂ.460ರಿಂದ ರೂ.565ಕ್ಕೆ ಹೆಚ್ಚಳ ಮಾಡಿದೆ. ಅಂದರೆ ರೂ.105 ಹೆಚ್ಚಿಸಿದೆ. ಮೂರು ಆಕ್ಸೆಲ್ ವಾಣಿಜ್ಯ ವಾಹನಗಳ ಏಕಮುಖ ಸಂಚಾರ ದರವನ್ನು ರೂ.500ರಿಂದ ರೂ.615ಕ್ಕೆ ಏರಿಸಿದೆ. ಅಂದರೆ ರೂ.115 ಹೆಚ್ಚಿಸಿದೆ. ಭಾರೀ ವಾಹನಗಳ ಏಕಮುಖ ಸಂಚಾರ ದರ ರೂ.720ರಿಂದ ರೂ.885ಕ್ಕೆ ಹೆಚ್ಚಿಸಿದೆ. ಅಂದರೆ ರೂ.165 ಹೆಚ್ಚಳವಾದಂತೆ ಆಗಿದೆ.
ಇನ್ನೂ 7 ಅಥವಾ ಅದಕ್ಕಿಂತ ಹೆಚ್ಚಿನ ಆಕ್ಸೆಲ್ ವಾಹನಗಳ ಏಕಮುಖ ಸಂಚಾರ ದರವನ್ನು ರೂ.880ರಿಂದ ರೂ.1080ಕ್ಕೆ ಏರಿಕೆ ಮಾಡಿದೆ. ಅಂದರೆ ರೂ.200 ಹೆಚ್ಚಳ ಮಾಡಿದಂತೆ ಆಗಿದೆ.
