ಉದಯವಾಹಿನಿ,ಮುಂಬೈ: ಇಲ್ಲಿ ನಡೆದ ಯುವ ಕಾಂಗ್ರೆಸ್ ಸಭೆಯು ಹೈಡ್ರಾಮಾದೊಂದಿಗೆ ಮುಕ್ತಾಯಗೊಂಡಿದೆ. ಯೂತ್ ಕಾಂಗ್ರೆಸ್ ಪ್ರಧಾನ ಕಛೇರಿಯಲ್ಲಿ ನಡೆದ ಸಭೆಯ ನಂತರ ಭಾರಿ ವಾಗ್ವಾದ ನಡೆದು ಪಕ್ಷದ ನಾಯಕರು ಪರಸ್ಪರರ ಮೇಲೆ ಕುರ್ಚಿಗಳನ್ನು ಎಸೆಯುವ ಮೂಲಕ ಗದ್ದಲ ಎಬ್ಬಿಸಿದರು. ಮಹಾರಾಷ್ಟ್ರದ ಯೂತ್ ಕಾಂಗ್ರೆಸ್ ಮುಖ್ಯಸ್ಥ ಕುನಾಲ್ ನಿತಿನ್ ರಾವತ್ ಅವರನ್ನು ಪದಚ್ಯುತಗೊಳಿಸಬೇಕೆಂಬ ಬೇಡಿಕೆಗೆ ಎರಡು ಗುಂಪುಗಳ ನಡುವೆ ಹೊಡೆದಾಟ ನಡೆದಿದೆ. ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ಅವರು ಈ ಹೊಡೆದಾಟದ ವಿಡಿಯೋ ಹಂಚಿಕೊಂಡಿದ್ದು, ವೀಡಿಯೊದಲ್ಲಿ ಯುವ ಕಾಂಗ್ರೆಸ್ ಕಾರ್ಯಕರ್ತರು ಪರಸ್ಪರರ ಮೇಲೆ ಕುರ್ಚಿಗಳನ್ನು ಎಸೆಯುವುದನ್ನು ಮತ್ತು ಅವರ ನಡುವೆ ಹಿಂಸಾತ್ಮಕ ಹೊಡೆದಾಟವನ್ನು ನಡೆಸುತ್ತಿರುವುದನ್ನು ಕಾಣಬಹುದು. ಇದು ಕಾಂಗ್ರೆಸ್ ಪಕ್ಷದ ನಿಜವಾದ ಗುಣ. ಅವರು ಒಬ್ಬರಿಗೊಬ್ಬರು ಕುರ್ಚಿಗಾಗಿ ಜಗಳವಾಡುತ್ತಾರೆ. ಅವರು ರಾಜಸ್ಥಾನ ಮತ್ತು ಛತ್ತೀಸ್ಗಢದಲ್ಲಿ ಕುರ್ಚಿಗಳಿಗಾಗಿ ಹೋರಾಡುತ್ತಾರೆ. ಕುರ್ಚಿಯನ್ನು ಭದ್ರಪಡಿಸಿಕೊಳ್ಳಲು ಸಾಧ್ಯವಾಗದಿದ್ದರೆ ಅವರು ಪರಸ್ಪರರ ಮೇಲೆ ಕುರ್ಚಿಗಳನ್ನು ಎಸೆಯುವ ಮೂಲಕ ತಮ್ಮೊಳಗೆ ಜಗಳವಾಡುತ್ತಾರೆ’ ಎಂದು ಪೂನಾವಲ್ಲ ಲೇವಡಿ ಮಾಡಿದ್ದಾರೆ. ಬಿಜೆಪಿ ನಾಯಕ ರಾಹುಲ್ ಗಾಂಧಿಯವರ ‘ಭಾರತ್ ಜೋಡೋ ಯಾತ್ರೆ’ ಬಗ್ಗೆ ಟೀಕಿಸುತ್ತಾ, ಭಾರತವನ್ನು ಒಗ್ಗೂಡಿಸುವ ಮೊದಲು ಕಾಂಗ್ರೆಸ್ ಪಕ್ಷವು ತಮ್ಮೊಳಗಿನ ಆಂತರಿಕ ಕಲಹಕ್ಕಾಗಿ ‘ಪಕ್ಷ ಜೋಡೋ ಯಾತ್ರೆ’ ನಡೆಸಬೇಕು ಎಂದು ಹೇಳಿದರು.
