ಉದಯವಾಹಿನಿ, ಬೆಂಗಳೂರು: ಮೂಳೆಗಳು ಸಿಕ್ಕ ತಕ್ಷಣ ಈ ಮೂಳೆ ಗಂಡಸಿನದ್ದಾ ಅಥವಾ ಹೆಂಗಸಿನದ್ದಾ ಅಂತ ಹೇಳಬಹುದೇ ಹೊರತು ಸತ್ತ ವ್ಯಕ್ತಿಯ ಮೇಲೆ ಲೈಂಗಿಕ ದೌರ್ಜನ್ಯ ಆಗಿದೆಯಾ? ಇಲ್ಲವಾ ಎಂದು ಹೇಳಲು ಆಗುವುದಿಲ್ಲ ಎಂದು ಜೆಎಸ್ಎಸ್ ಮೆಡಿಕಲ್ ಕಾಲೇಜಿನ ವಿಧಿವಿಜ್ಞಾನ ವಿಭಾಗದ ಪ್ರೊ. ಅರುಣ್ ಹೇಳಿದ್ದಾರೆ.
ಧರ್ಮಸ್ಥಳದಲ್ಲಿ ಸಿಕ್ಕಿರುವ ಮೂಳೆಗಳ ವಿಚಾರಕ್ಕೆ ಸಂಬಂಧಿಸಿದಂತೆ ವಿಧಿವಿಜ್ಞಾನ ತಜ್ಞರು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಈ ಬೆನ್ನಲ್ಲೇ ಮೈಸೂರು ಪ್ರೊ. ಅರುಣ್ ಬಗ್ಗೆ ಕೆಲವು ಮಾಹಿತಿಗಳನ್ನ ಹಂಚಿಕೊಂಡಿದ್ದಾರೆ.
ಮೂಳೆಗಳು ಸಿಕ್ಕ ತಕ್ಷಣ ಈ ಮೂಳೆ ಗಂಡಸಿನದ್ದಾ ಅಥವಾ ಹೆಂಗಸಿನದ್ದಾ ಅಂತ ಹೇಳಬಹುದೇ ಹೊರತು ಸತ್ತ ವ್ಯಕ್ತಿಯ ಮೇಲೆ ಲೈಂಗಿಕ ದೌರ್ಜನ್ಯ ಆಗಿದೆಯಾ? ಇಲ್ಲವಾ ಎಂದು ಹೇಳಲು ಆಗುವುದಿಲ್ಲ. ಇದು ಕೊಲೆಯಾ ಅಥವಾ ಸಹಜ ಸಾವಾ ಎಂದು ಹೇಳುವುದಕ್ಕೆ ಒಂದೆರಡು ಮೂಳೆಯಿಂದ ಸಾಧ್ಯವಿಲ್ಲ. ವಯಸ್ಸು ಕೂಡ ನಿಖರವಾಗಿ ಹೇಳಲು ಆಗಲ್ಲ ಎಂದು ಅವರು ವಿವರಣೆ ನೀಡಿದ್ದಾರೆ. ನಮಗೆ ಪೂರ್ಣ ಸ್ಕೆಲಿಟನ್ (Skeleton) ಸಿಕ್ಕರೆ 100% ಖಚಿತ ಮಾಹಿತಿ ಸಿಗುತ್ತೆ. ತೊಡೆ ಮೂಳೆ ಸಿಕ್ಕರೆ 80%, ಸೊಂಟದ ಮೂಳೆ ಸಿಕ್ಕರೆ 95% ನಿಖರ ಮಾಹಿತಿ ಹೇಳಬಹುದು. ಈಗ ಧರ್ಮಸ್ಥಳದಲ್ಲಿ ಸಿಕ್ಕಿರುವ ಮೂಳೆಗಳು ಮೊದಲು ಮನುಷ್ಯನದ್ದಾ ಅಥವಾ ಪ್ರಾಣಿಯದ್ದಾ ಅಂತ ತಿಳಿದುಕೊಳ್ಳಬೇಕಾಗುತ್ತೆ ಎಂದು ತಿಳಿಸಿದರು.
