ಉದಯವಾಹಿನಿ, ಖ್ಯಾತ ರ್ಯಾಪರ್, ಗಾಯಕ ಹನಿ ಸಿಂಗ್ ಕೇವಲ ಒಂದೇ ತಿಂಗಳಲ್ಲಿ 18 ಕೆ.ಜಿ ತೂಕ ಇಳಿಸಿಕೊಳ್ಳುವ ಮೂಲಕ ಸುದ್ದಿಯಲ್ಲಿದ್ದಾರೆ. ಈ ಮೂಲಕ 95 ಕೆ.ಜಿಯಿಂದ 77 ಕೆ.ಜಿಗೆ ಇಳಿದಿದ್ದು ಹೇಗೆ ಎನ್ನೋದು ಕುತೂಹಲ ಮೂಡಿಸಿದೆ. ಇತ್ತೀಚಿಗೆ ಹನಿ ಸಿಂಗ್ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿಕೊಂಡಿದ್ದರು. ಆಗ ಅಭಿಮಾನಿಗಳು ಆರೋಗ್ಯ ಸರಿಯಿಲ್ಲ ಎಂದು ಕಳವಳ ವ್ಯಕ್ತಪಡಿಸಿದ್ದರು. ಇನ್ನೂ ಕೆಲವರು ಅವರು ತೂಕ ಇಳಿಸಿಕೊಂಡಿದ್ದಾರೆ ಎಂದಿದ್ದರು. ಸದ್ಯ ಈ ಕುರಿತು ಮಾಹಿತಿಯೊಂದು ಬಹಿರಂಗಗೊಂಡಿದೆ. ಅವರು ಆರೋಗ್ಯವಾಗಿದ್ದು, ವ್ಯಾಯಾಮದಲ್ಲಿ ತೊಡಗಿಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಇನ್ನೂ ಈ ಕುರಿತು ಹನಿ ಸಿಂಗ್ ಅಭಿಮಾನಿಯೊಬ್ಬರು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಕಳವಳ ವ್ಯಕ್ತಪಡಿಸಿದ್ದು, ಯಾಕೆ ಅಂತ ಗೊತ್ತಿಲ್ಲ, ಹನಿ ಸಿಂಗ್ ಅವರಿಗೆ ಏನೋ ಆಗಿದೆ. ಕಳೆದ ಎರಡು ವರ್ಷಗಳಿಂದ ಅವರು ತುಂಬಾ ಗ್ಲಾಮರಸ್ ಆಗಿ ಕಾಣುತ್ತಿದ್ದರು, ಆದರೆ ಇತ್ತೀಚಿಗೆ ಅವರು ಹಂಚಿಕೊಂಡಿದ್ದ ಕೆಲವು ಪೋಸ್ಟ್ ಹಾಗೂ ಸ್ಟೋರಿಗಳಲ್ಲಿ ಅವರ ಮೂಗಿಗೆ ಏನೋ ಆಗಿದೆ ಎಂದು ಕಾಣುತ್ತದೆ. ಹನಿ ಸಿಂಗ್ ಪ್ರತಿದಿನ ಜಿಮ್ಗೆ ಹೋಗುತ್ತಾರೆ. ಆದರೆ ಅವರು ಮೊದಲಿನಂತಿಲ್ಲ. ಯಾರ ಮುಂದೆಯೂ ಹಂಚಿಕೊಳ್ಳಲು ಸಾಧ್ಯವಾಗದಂತಹದ್ದು ಏನೋ ಅವರ ಜೀವನದಲ್ಲಿ ನಡೆದಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಹನಿ ಸಿಂಗ್ ಅವರು ಹಾಸ್ಯ ಮಾಡುವಂತೆ ಕುಚ್ ನಹಿ ಹುವಾ (ಏನೂ ಆಗಿಲ್ಲ) ಎಂದು ನಗುವ ಎಮೋಜಿಯೊಂದಿಗೆ ಉತ್ತರಿಸಿದ್ದಾರೆ. ತಮ್ಮ ಫಿಟ್ನೆಸ್ ಅಪ್ಡೇಟ್ ಅನ್ನು ಹಂಚಿಕೊಳ್ಳುತ್ತಾ, ಅವರು ನಾನು ಭವಿಷ್ಯದ ದೃಷ್ಟಿಯಿಂದ ವ್ಯಾಯಾಮ ಮಾಡುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.
