ಉದಯವಾಹಿನಿ, ನವದೆಹಲಿ: ನವೆಂಬರ್ 10 ರಂದು ನಡೆದ ದೆಹಲಿ ಕಾರು ಸ್ಫೋಟದ ತನಿಖೆಯಲ್ಲಿ ಮಹತ್ವದ ಬೆಳವಣಿಗೆಯೊಂದರಲ್ಲಿ, ಡಾ. ಶಾಹೀನ್ ಸಯೀದ್ ಮತ್ತು ಡಾ. ಮುಜಮ್ಮಿಲ್, ಕಾರು ಶೋರೂಂನಲ್ಲಿ ಮಾರುತಿ ಬ್ರೆಝಾ ಖರೀದಿಸುತ್ತಿರುವ ಫೋಟೋವೊಂದು ಹೊರಬಿದ್ದಿದೆ. ಅಧಿಕಾರಿಗಳ ಪ್ರಕಾರ, ಸಂಪೂರ್ಣ ನಗದು ವಹಿವಾಟಿನ ಮೂಲಕ ಸ್ವಾಧೀನಪಡಿಸಿಕೊಂಡ ಸಿಎನ್ಜಿ ಮಾದರಿಯ ವಾಹನವನ್ನು ಸೆಪ್ಟೆಂಬರ್ 25 ರಂದು ಖರೀದಿಸಲಾಗಿತ್ತು. ಅಂದರೆ 13 ಜನರು ಮೃತಪಟ್ಟು ಹಲವಾರು ಜನರು ಗಾಯಗೊಂಡ ಕೆಂಪು ಕೋಟೆಯ ಬಳಿ ಸಂಭವಿಸಿದ ಮಾರಕ ಸ್ಫೋಟಕ್ಕೆ ಒಂದೂವರೆ ತಿಂಗಳಿಗಿಂತ ಮೊದಲು ಖರೀದಿಸಲಾಗಿತ್ತು.
ಛಾಯಾಚಿತ್ರದಲ್ಲಿ, ಬ್ರೆಝಾ ಖರೀದಿಗೆ ಸಂಬಂಧಿಸಿದ ದಾಖಲೆಗಳ ಕೆಲಸ ಪೂರ್ಣಗೊಳ್ಳುತ್ತಿರುವಾಗ, ಶಾಹೀನ್ ಮತ್ತು ಮುಜಮ್ಮಿಲ್ ಶೋ ರೂಂ ಒಳಗೆ ನಿಂತಿರುವುದನ್ನು ತೋರಿಸಲಾಗಿದೆ. ತನಿಖಾಧಿಕಾರಿಗಳು ಹೇಳುವಂತೆ ಕಾರನ್ನು ಶಾಹೀನ್ ಸಯೀದ್ ಹೆಸರಿನಲ್ಲಿ ಖರೀದಿಸಲಾಗಿದೆ. ಪೂರ್ಣ ನಗದು ಪಾವತಿಯ ವಿಧಾನವು ಹಣದ ಮೂಲದ ಬಗ್ಗೆ ಮತ್ತು ಈ ರೀತಿ ವಾಹನವನ್ನು ಪಡೆದುಕೊಂಡಿರುವುದರ ಹಿಂದಿನ ಉದ್ದೇಶದ ಬಗ್ಗೆ ಅನುಮಾನವನ್ನು ಹುಟ್ಟುಹಾಕಿದೆ.
