ಉದಯವಾಹಿನಿ,ನಟಿ ಭಾವನಾ ರಾಮಣ್ಣ ಐವಿಎಫ್ ಮೂಲಕ ಮಗು ಪಡೆದು ತಾಯಿಯಾಗಿದ್ದಾರೆ. ಅವರಿಗೆ ಅವಳಿ ಮಕ್ಕಳು ಜನಿಸಬೇಕಿತ್ತು, ಆದರೆ ಹುಟ್ಟುವ ಮೊದಲೇ ಒಂದು ಮಗು ನಿಧನ ಹೊಂದಿತ್ತು. ಈಗ ಭಾವನಾ ಅವರ ಮಗಳ ಜೊತೆಗೆ ಗೆಳತಿ ಭಾವನಾ ಬೆಳಗೆರೆ ಮನೆಗೆ ಭೇಟಿ ಕೊಟ್ಟಿದ್ದಾರೆ. ಭಾವನಾ ಹಾಗೂ ಕಿಟ್ಟಪ್ಪ ಜೊತೆಗಿರುವ ಫೋಟೋಗಳು ಈಗ ವೈರಲ್ ಆಗ್ತಿವೆ. ಅಂದಹಾಗೆ ನಟಿ ಭಾವನಾ ರಾಮಣ್ಣ ಮಗು ಕರೆದುಕೊಂಡು ಬಂದು ಭೇಟಿ ಮಾಡಿರೋದಕ್ಕೆ ಕಾರಣವನ್ನ ಭಾವನಾ ಬೆಳಗೆರೆ ತಮ್ಮ ಪೋಸ್ಟ್ ಮೂಲಕ ಹಂಚಿಕೊಂಡಿದ್ದಾರೆ. ಭಾವನಾ ಮಾಟಗಾತಿ ಕಥೆಯನ್ನ ಸಿನಿಮಾ ಮಾಡಲು ತಯಾರಿ ಮಾಡಿಕೊಂಡಿದ್ದಾರಂತೆ. ಹೀಗಾಗಿ ಆ ಪುಸ್ತಕದ ಕಾಪಿರೈಟ್ ಪಡೆಯುವುದಕ್ಕಾಗಿ ಬಂದಿದ್ದರು ಎಂದು ಬರೆದುಕೊಂಡಿದ್ದಾರೆ ಭಾವನಾ ಬೆಳಗೆರೆ. ಅಂದಹಾಗೆ ನಟಿ ಭಾವನಾ ಈಗ ಮಗು ಆರೈಕೆಯಲ್ಲಿ ತೊಡಗಿಕೊಂಡಿದ್ದಾರೆ. ಜೊತೆಗೆ ಇದೇ ಬ್ರೇಕ್ ಟೈಂನಲ್ಲಿ ಸಿನಿಮಾದ ಕಥೆ ಮಾಡಲು ತಯಾರಿ ಮಾಡಿಕೊಳ್ಳಲು ಮುಂದಾಗಿದ್ದಾರಂತೆ. ಭಾವನಾ ತಮ್ಮ ಎರಡೂವರೆ ತಿಂಗಳ ಮಗುವಿನೊಂದಿಗೆ ಬೆಳಗೆರೆ ಮನೆಗೆ ಬಂದಿದ್ದಾರೆ. ಕೆಲಹೊತ್ತು ಸ್ನೇಹಿತರ ಜೊತೆ ಮಾತುಕತೆ ಮಾಡಿರುವ ಭಾವನಾ ಹಲವಾರು ವಿಚಾರಗಳ ಬಗ್ಗೆ ಮೆಲುಕು ಹಾಕಿದ್ದಾರೆ. ಶ್ರೀನಗರ ಕಿಟ್ಟಿ ಜೊತೆಗೆ ಭಾವನಾ ರಾಮಣ್ಣ ಇಂತಿ ನಿನ್ನ ಪ್ರೀತಿಯ ಸಿನಿಮಾದಲ್ಲಿ ನಟಿಸಿದ್ದಾರೆ. ಅಲ್ಲಿಂದ ಭಾವನಾ ರಾಮಣ್ಣ ಹಾಗೂ ಭಾವನಾ ಬೆಳಗೆರೆ ಸ್ನೇಹ ಬೆಳೆದ ಬಗ್ಗೆ ಪೋಸ್ಟ್ನಲ್ಲಿ ಬರೆದುಕೊಂಡಿದ್ದಾರೆ. ಇನ್ನು ಮಗಳಿಗೆ ರುಕ್ಮಿಣಿ ಅನ್ನೋ ಹೆಸರು ಇಡುತ್ತಿದ್ದಾರಂತೆ ಭಾವನಾ ಈ ಬಗ್ಗೆಯೂ ಹೇಳಿಕೊಂಡಿದ್ದಾರಂತೆ.
