ಉದಯವಾಹಿನಿ, ಬರ್ಫಿಯನ್ನು ಅನೇಕರು ತುಂಬಾ ಇಷ್ಟಪಟ್ಟು ಸೇವಿಸುವ ಸಿಹಿಯಾಗಿದೆ. ನಿಮಗಾಗಿ ನಾವು ತಂದಿರುವ ಬರ್ಫಿಯು ಬಾಯಿಯಲ್ಲಿಟ್ಟರೆ ಬೆಣ್ಣೆಯಂತೆ ಕರಗುತ್ತದೆ. ಬಹುತೇಕರು ಸ್ವೀಟ್ ಅಂಗಡಿಗಳಿಂದ ಹೆಚ್ಚು ಖರೀದಿಸಿ ತಿನ್ನುತ್ತಾರೆ. ಈ ರೆಸಿಪಿಯನ್ನು ಮನೆಯಲ್ಲಿಯೇ ಸಿದ್ಧಪಡಿಸಬಹುದು. ಮಾರುಕಟ್ಟೆಯಲ್ಲಿ ಉತ್ತಮ ಕ್ಯಾರೆಟ್ ದೊರೆತರೆ ಅರ್ಧ ಕೆಜಿ ತಂದು ಇದನ್ನು ಮನೆಯಲ್ಲೇ ತಯಾರಿಸಿ ತಿನ್ನಬಹುದು. ಈ ರೆಸಿಪಿಯು ಸ್ವೀಟ್ ಶಾಪ್ನಲ್ಲಿ ಖರೀದಿಸಿದಂತೆ ತುಂಬಾ ರುಚಿಕರವಾಗಿರುತ್ತದೆ.
ಕೆಂಪು ಕ್ಯಾರೆಟ್ ಕೂಡ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇವು ಕಡಿಮೆ ಬೆಲೆಗೆ ಲಭ್ಯವಿದೆ. ಇಲ್ಲಿ ನೀಡಲಾದ ವಿಧಾನದಲ್ಲಿ ಕ್ಯಾರೆಟ್ನೊಂದಿಗೆ ಈ ಸಿಹಿಯನ್ನು ಪ್ರಯತ್ನಿಸಬಹುದು. ಅದುವೇ ಕ್ಯಾರೆಟ್ ಬರ್ಫಿ ರೆಸಿಪಿ. ಈ ವಿಧಾನಗಳನ್ನು ಪಾಲಿಸಿ ರೆಸಿಪಿ ಸಿದ್ಧಪಡಿಸಿದರೆ ತುಂಬಾ ರುಚಿಕರವಾಗಿ ಪರಿಪೂರ್ಣವಾಗಿರುತ್ತವೆ. ಮೊದಲ ಬಾರಿಗೆ ಮಾಡಿದರೂ ಕೂಡ ವಿಳಂಬ ಮಾಡದೇ ಕ್ಯಾರೆಟ್ ಬರ್ಫಿ ತಯಾರಿಸುವುದು ಹೇಗೆ ಎಂಬುದನ್ನು ತಿಳಯೋಣ.
ಕ್ಯಾರೆಟ್ ಬರ್ಫಿಗಾಗಿ ಬೇಕಾಗಿರುವ ಪದಾರ್ಥಗಳೇನು?: ಕ್ಯಾರೆಟ್ – ಅರ್ಧ ಕೆಜಿ, ತುಪ್ಪ – ಕಾಲು ಕಪ್, ಹಾಲು – ಅರ್ಧ ಲೀಟರ್
ಬಾದಾಮಿ – 10, ಗೋಡಂಬಿ – 15, ಒಣ ಕೊಬ್ಬರಿ ತುರಿ – ಕಾಲು ಕಪ್, ಬೆಲ್ಲ – ಅರ್ಧ ಕಪ್
ಸಕ್ಕರೆ – ಕಾಲು ಕಪ್, ಏಲಕ್ಕಿ ಪುಡಿ – ಅರ್ಧ ಟೀಸ್ಪೂನ್
ಕುಟುಂಬದ ಎಲ್ಲ ಸದಸ್ಯರಿಗೂ ಇಷ್ಟವಾಗುವಂತಹ ಸಖತ್ ಟೇಸ್ಟಿಯಾದ ಕ್ಯಾರೆಟ್ ಬರ್ಫಿ ಸಿದ್ಧಪಡಿಸಲು ಮೊದಲಿಗೆ ಅರ್ಧ ಕೆಜಿ ಕ್ಯಾರೆಟ್ ತೆಗೆದುಕೊಂಡು ಸ್ವಚ್ಛಗೊಳಿಸಬೇಕಾಗುತ್ತದೆ.
ಕ್ಯಾರೆಟ್ ಮೇಲಿನ ಸಿಪ್ಪೆ ಸುಲಿದು ತುಂಡುಗಳಾಗಿ ಕತ್ತರಿಸಬೇಕಾಗುತ್ತದೆ. ಬಳಿಕ ಕ್ಯಾರೆಟ್ ತುಂಡುಗಳನ್ನು ಮಿಕ್ಸರ್ನಲ್ಲಿ ಹಾಕಿ ಒರಟಾಗಿ ರುಬ್ಬಿಕೊಳ್ಳಬೇಕಾಗುತ್ತದೆ. ಕ್ಯಾರೆಟ್ ತುಂಡುಗಳನ್ನು ಈ ರೀತಿ ರುಬ್ಬಿದ ಬಳಿಕ, ಒಲೆಯ ಮೇಲೆ ಕಡಾಯಿ ಹಾಕಿ ತುಪ್ಪ ಸೇರಿಸಬೇಕಾಗುತ್ತದೆ. ಅದಕ್ಕೆ ತುರಿದ ಕ್ಯಾರೆಟ್ ಅನ್ನು ಸೇರಿಸಿ ಮಧ್ಯಮ ಉರಿಯಲ್ಲಿ ಐದರಿಂದ ಆರು ನಿಮಿಷಗಳ ಕಾಲ ಹುರಿಯಿರಿ, ಬಳಿಕ ಚೆನ್ನಾಗಿ ಮಿಶ್ರಣ ಮಾಡಿ.
