ಉದಯವಾಹಿನಿ, ಸೋನಿಪತ್ (ಹರಿಯಾಣ): ವ್ಯಕ್ತಿಯೊಬ್ಬನ ವಿಭಿನ್ನ ಆಲೋಚನೆ, ಆಸಕ್ತಿಗಳು ಆತನಲ್ಲಿರುವ ಕ್ರಿಯಾತ್ಮಕತೆಯನ್ನು ಹೊರತರಲು ಸಾಧ್ಯ ಎಂಬುದನ್ನು ತೋರಿಸಿದ್ದಾರೆ ಸೋನಿಪತ್ನ ಶಹಪುರ್ ಟರ್ಕ್ ಗ್ರಾಮದ ನಿವಾಸಿ ರಾಕಿ ಶಹಪುರಿಯಾ ಅಲಿಯಾಸ್ ರಾಕಿ ಕಟಾರಿಯಾ,
ರಾಕಿ ತಮ್ಮ ಟ್ರ್ಯಾಕ್ಟರ್ ಅನ್ನು ಮೊಬೈಲ್ ಮನೆಯಾಗಿ ಪರಿವರ್ತಿಸಿದ್ದು, ಇದರ ಮೂಲಕವೇ ಸಂಚಾರವನ್ನು ಆರಂಭಿಸಿದ್ದಾರೆ. ಇದೇ ಮೊಬೈಲ್ ಟ್ರ್ಯಾಕ್ಟರ್ನಲ್ಲಿ ಕಾಲ ಕಳೆಯುತ್ತಾ ಸಂಚಾರ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ಭಾವನ ಸಲಹೆಯಂತೆ ಮಾರ್ಪಾಡು: ರಾಕಿಗೆ ಪ್ರವಾಸ ಎಂದರೆ ತುಂಬಾ ಅಚ್ಚು-ಮೆಚ್ಚು. ಆದರೆ, ಅವರು ಕುಟುಂಬ ಆರ್ಥಿಕವಾಗಿ ಸ್ಥಿತಿವಂತರಲ್ಲ. ಇದು ಈತನ ಕನಸಿಗೆ ಅಡ್ಡಿಯಾಗಲಿಲ್ಲ. ಈತನ ಪ್ರವಾಸ ಪ್ರೇಮಕಂಡ ಸಹೋದರಿಯ ಪತಿ ಹರಿಯಾಣದ ಸಂಕೇತವಾಗಿರು ಟ್ರ್ಯಾಕ್ಟರ್ನಲ್ಲಿಯೇ ಸಂಚಾರ ಮಾಡುವಂತೆ ಸಲಹೆ ನೀಡಿದರಂತೆ. ಟ್ರ್ಯಾಕ್ಟರ್ಗಳು ಬಲವಾಗಿದ್ದು, ಎಂತಹ ರಸ್ತೆಯಲ್ಲೂ ಸಂಚರಿಸುವ ಸಾಮರ್ಥ್ಯವನ್ನು ಹೊಂದಿರುತ್ತವೆ. ಅದರಲ್ಲಿಯೇ ಸಂಚಾರ ಕೈಗೊಳ್ಳುವಂತೆ ಸಲಹೆ ನೀಡಿದರು. ಅದರಂತೆ ರಾಕಿ ತಮ್ಮ ಟ್ರ್ಯಾಕ್ಟರ್ ಅನ್ನು ಮೊಬೈಲ್ ಮನೆಯಾಗಿ ಪರಿವರ್ತಿಸಿದ್ದಾರೆ.
ಈ ಟ್ರ್ಯಾಕ್ಟರ್ನಲ್ಲಿದೆ ಬೆಡ್, ಅಡುಗೆ ಕೋಣೆ, ಕ್ಯಾಬಿನ್: ರಾಕಿ 10 ಲಕ್ಷ ನೀಡಿ ಟ್ರ್ಯಾಕ್ಟರ್ ಖರೀದಿಸಿ, ಅದಕ್ಕೆ 4 ಲಕ್ಷ ಖರ್ಚು ಮಾಡಿ ವಿಶೇಷ ಕ್ಯಾಬಿನ್ ನಿರ್ಮಾಣ ಮಾಡಿಕೊಂಡಿದ್ದಾರೆ. ಟ್ರ್ಯಾಕ್ಟರ್ 4/4 ವ್ಯವಸ್ಥೆಯಂತೆ ಮಾರ್ಪಾಡು ಮಾಡಿದ್ದಾರೆ. ಇದರಿಂದಾಗಿ ಸಂಚಾರದಲ್ಲೂ ಅನುಕೂಲವಾಗಿದೆ. ಟ್ರ್ಯಾಕ್ಟರ್ ಕ್ಯಾಬಿನ್ ಮೇಲೆ ಆರಾಮವಾಗಿ ಮಲಗುವ, ಕೂರುವ ವ್ಯವಸ್ಥೆ ಮಾಡಿದ್ದಾರೆ. ಜೊತೆಗೆ ಅಗತ್ಯವಿದ್ದಲ್ಲಿ ಅಡುಗೆ ಮಾಡಿಕೊಳ್ಳಲು ಒಂದು ಸಣ್ಣ ಅಡುಗೆ ಕೋಣೆಯ ವ್ಯವಸ್ಥೆಯನ್ನು ಮಾಡಿದ್ದು, ಇದರಲ್ಲಿ ಆರಾಮವಾಗಿ 8 ಜನರು ಕುಳಿತು. ಇಬ್ಬರು ಮಲಗಿ ಹೋಗುವಂತೆ ವ್ಯವಸ್ಥೆ ಮಾಡಲಾಗಿದೆ.
