ಉದಯವಾಹಿನಿ,ಪೇಶಾವರ: ಪಾಕಿಸ್ತಾನಕ್ಕೆ ತೆರಳಿ ಫೇಸ್ಬುಕ್ ಗೆಳೆಯನನ್ನು ವರಿಸಿರುವ ಭಾರತ ಮೂಲದ ವಿವಾಹಿತ ಮಹಿಳೆ ಅಂಜು ಅವರ ವೀಸಾವನ್ನು ಅಲ್ಲಿನ ಸರ್ಕಾರ ಒಂದು ವರ್ಷ ವಿಸ್ತರಿಸಿದೆ.
ಇಸ್ಲಾಂಗೆ ಮತಾಂತರವಾಗಿರುವ 34 ವರ್ಷದ ಅಂಜು ಈಗ ಫಾತಿಮಾ ಎಂಬ ಹೆಸರಿನಿಂದ ಗುರುತಿಸಿಕೊಂಡಿದ್ದು, ಜುಲೈ 25ರಂದು ಖೈಬರ್ ಫಖ್ತುಂಕ್ವಾದ 29 ವರ್ಷದ ನಸ್ರುಲ್ಲಾ ಅವರನ್ನು ವಿವಾಹವಾಗಿದ್ದಾರೆ.
‘ಅಂಜು ಮೂಲ ವೀಸಾ ಆಗಸ್ಟ್ 20ಕ್ಕೆ ಅಂತ್ಯವಾಗುತ್ತದೆ. 
ಈಗಾಗಲೇ ಎರಡು ತಿಂಗಳ ವಿಸ್ತರಣೆ ದೊರೆತಿತ್ತು. ಮದುವೆ ನಂತರ ವೀಸಾವನ್ನು ಒಂದು ವರ್ಷ ವಿಸ್ತರಿಸಲಾಗಿದೆ. ಪಾಕಿಸ್ತಾನದ ಎಲ್ಲ ಸಂಸ್ಥೆಗಳೂ ನಮಗೆ ಸಹಕಾರ ನೀಡುತ್ತಿವೆ’ ಎಂದು ಆಕೆಯ ಪತಿ ನಸ್ರುಲ್ಲಾ ತಿಳಿಸಿದ್ದಾರೆ.
