ಉದಯವಾಹಿನಿ, ಮುಂಬೈ: ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ದಿ ತಾಸ್ಕೆಂಟ್ ಫೈಲ್ಸ್ ಮತ್ತು ದಿ ಕಾಶ್ಮೀರ್ ಫೈಲ್ಸ್ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಸಾಧನೆ ತೋರಿಸಿದ್ದು, ಆದರೆ ಇತ್ತೀಚೆಗೆ ಬಿಡುಗಡೆಯಾದ ಅವರ ಚಿತ್ರ ದಿ ವ್ಯಾಕ್ಸಿನ್ ವಾರ್ಚಿತ್ರವು ಗಲ್ಲಾ ಪೆಟ್ಟಿಗೆಯಲ್ಲಿ ಮತ್ತು ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಸೆಳೆಯುವಲ್ಲಿ ವಿಫಲವಾಗಿದೆ.ಬಾಕ್ಸ್ ಆಫೀಸ್ ಕಲೆಕ್ಷನ್ ಸಾಕಷ್ಟು ನಿರಾಶಾದಾಯಕವಾಗಿದೆ. ಚಿತ್ರದ ಬಾಕ್ಸ್ ಆಫೀಸ್ ಕಲೆಕ್ಷನ್ ನಲ್ಲಿ ಯಾವುದೇ ಬೆಳವಣಿಗೆ ಕಂಡುಬಂದಿಲ್ಲ ಜೊತೆಗೆ ಚಿತ್ರದ ನಿರ್ಮಾಣ ವೆಚ್ಚವನ್ನು ಸರಿದೂಗಿಸಲು ಸಾಕಾಗಲಿಲ್ಲ. ಮೂರನೇ ದಿನವೇ ನಿರ್ಮಾಪಕರು ಈ ಚಿತ್ರದ ’೧ ಖರೀದಿಸಿ ೧ ಉಚಿತ’ ಟಿಕೆಟ್ಗಳನ್ನು ನೀಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.ಈ ಚಿತ್ರ ಭಾರತದಲ್ಲಿ ಇದುವರೆಗೆ ೧೩.೨೫ ಕೋಟಿ ಗಳಿಸಿದೆ.
ಬಿಡುಗಡೆಗೆ ಮುನ್ನವೇ ’ದಿ ವ್ಯಾಕ್ಸಿನ್ ವಾರ್’ ಬಗ್ಗೆ ಸಾಕಷ್ಟು ಕುತೂಹಲ ಇತ್ತು ಮತ್ತು ಅಭಿಮಾನಿಗಳು ಕೂಡ ವಿವೇಕ್ ಅಗ್ನಿಹೋತ್ರಿ ಅವರ ಚಿತ್ರಕ್ಕಾಗಿ ಕಾತುರದಿಂದ ಕಾಯುತ್ತಿದ್ದರು. ಈ ಚಿತ್ರವು ಫುಕ್ರೆ ೩ ಮತ್ತು ಚಂದ್ರಮುಖಿ ೨ ಜೊತೆಗೆ ಸೆಪ್ಟೆಂಬರ್ ೨೮ ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಗಲ್ಲಾಪೆಟ್ಟಿಗೆಯಲ್ಲಿ ಇತರ ಚಿತ್ರಗಳೊಂದಿಗೆ ಘರ್ಷಣೆಯಿಂದಾಗಿ, ಚಿತ್ರವು ಮೊದಲ ದಿನದಲ್ಲಿ ಅತ್ಯಂತ ಕಳಪೆ ಆರಂಭವನ್ನು ಮಾಡಿದೆ ಮತ್ತು ಆರಂಭಿಕ ದಿನದಲ್ಲಿ ಕೇವಲ ೮೫ ಲಕ್ಷ ರೂ. ಎರಡನೇ ದಿನ ಚಿತ್ರದ ಗಳಿಕೆ ಮತ್ತಷ್ಟು ಕುಸಿದು ೯ ಲಕ್ಷ ರೂ. ಆದರೆ, ವಾರಾಂತ್ಯದಲ್ಲಿ ದಿ ವ್ಯಾಕ್ಸಿನ್ ವಾರ್ ಸಂಗ್ರಹದಲ್ಲಿ ಕೊಂಚ ಏರಿಕೆಯಾಗಿದೆ.
