ಹದಗೆಟ್ಟ ಹೇರುಂಡಿ ರಸ್ತೆ: ಎಲ್ಲೆಂದರಲ್ಲಿ ಬಾಗಿ ನಿಂತಿರುವ ಜಾಲಿಮುಳ್ಳುಗಳು: ಸುಗಮ ಸಂಚಾರಕ್ಕೆ ಅಡಚರಣೆ: ಬೈಕ್ ಸವಾರರ ಪರಿಸ್ಥಿತಿ ಹೇಳತೀರದು

ಉದಯವಾಹಿನಿ, ದೇವದುರ್ಗ: ಜಂಬಲದಿನ್ನಿ ಕ್ರಾಸ್‍ನಿಂದ 4ಕಿಮೀ ಹೇರುಂಡಿ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆ ತೀರ ಹದಗಟ್ಟಿದೆ. ಎಲ್ಲೆಂದರಲ್ಲಿ ಗುಂಡಿಗಳು ಬಿದ್ದಿದ್ದರಿಂದ ಸುಗಮ ಸಂಚಾರಕ್ಕೆ ಅಡಚರಣೆ ಉಂಟಾಗುತ್ತಿದೆ. ಕಿರಿದಾದ ರಸ್ತೆಯಿಂದ ಬಿದ್ದಂತ ಗುಂಡಿಗಳನ್ನು ಬೈಕ್ ಸವಾರರು ತಪ್ಪಿಸಿ ಸಂಚಾರ ಮಾಡುವುದೇ ಸರ್ಕಸ್ ಮಾಡಿದಂತಾಗುತ್ತಿದೆ. ರಾತ್ರಿ ವೇಳೆ ಈರಸ್ತೆ ಮಾರ್ಗವಾಗಿ ಗ್ರಾಮಕ್ಕೆ ತೆರಳುವಂತ ಗ್ರಾಮಸ್ಥರು ಹಲವು ಸಮಸ್ಯೆ ಎದುರಿಸುವಂತಿದೆ. ಹಲವು ಬಾರಿ ಗ್ರಾಮಸ್ಥರು ಸಂಬಂದಪಟ್ಟಂತ ಅಧಿಕಾರಿಗಳ ಗಮನಕ್ಕೆ ತರಲಾಗಿದೆ. ಬಿದ್ದಿರುವಂತ ಗುಂಡಿಗಳಿಗೆ ತಾತ್ಕಾಲಿಕ ಮರಂ ಹಾಕಿ ಸುಗಮ ಸಂಚಾರಕ್ಕೆ ಅನುಕೂಲ ಕಲ್ಪಿಸಲು ಹಿಂದೇಟು ಹಾಕಿದ್ದಾರೆ ಎಂದು ಗ್ರಾಮಸ್ಥರ ಆರೋಪವಾಗಿದೆ. ಹೇರುಂಡಿ ಕ್ರಾಸ್‍ನಿಂದ ಗ್ರಾಮದವರಿಗೆ ಅಲ್ಲಲ್ಲಿ ಬಹುತೇಕ ಗುಂಡಿಗಳು ಬಿದ್ದಿವೆ. ಕಳೆದ ಮೂರು ವರ್ಷಗಳಿಂದೆ ಕೋಟ್ಯಾಂತರ ರೂ. ವೆಚ್ಚದಲ್ಲಿ ರಸ್ತೆ ನಿರ್ಮಿಸಲಾಗಿದೆ. ಆದರೀಗ ರಸ್ತೆ ನಿರ್ವಹಣೆ ಇಲ್ಲವಾದ್ದರಿಂದ ದಿನೇ ದಿನೇ ಗುಂಡಿಗಳು ಮತ್ತಷ್ಟು ಹಾಳಾಗುತ್ತಿವೆ. ಅದರಲ್ಲಿ ಮರಳು ಸಾಗಣೆ ಟಿಪ್ಪರ್‍ಗಳು ಟ್ಯಾಕ್ಟರ್‍ಗಳು ಹಗಲು ರಾತ್ರಿ ಎನ್ನದೇ ಓಡಾಟದಿಂದಲೇ ರಸ್ತೆ ತೀರ ಹದಗೆಡಲು ಕಾರಣ ಎನ್ನಲಾಗುತ್ತಿದೆ. ಕಳೆದ ಒಂದು ವರ್ಷದಿಂದ ಹದಗೆಟ್ಟಿರುವ ರಸ್ತೆಯ ಮೇಲೆ ಗ್ರಾಮಸ್ಥರು ಸಂಚಾರ ಮಾಡುವಂತಾಗಿದೆ. ಈಭಾಗದ ರಸ್ತೆಗಳ ನಿರ್ವಹಣೆ ಜವವ್ದಾರಿ ಹೊತ್ತಿರುವ ಜೆಇಗಳು ದಿವ್ಯ ನಿರ್ಲಕ್ಷ್ಯ ವಹಿಸಿದ್ದಾರೆ ಎನ್ನಲಾಗುತ್ತಿದೆ. ಎಲ್ಲೆಂದರಲ್ಲಿ ಬಿದ್ದಿರುವಂತ ಗುಂಡಿಗಳಿಗೆ ತಾತ್ಕಾಲಿಕ ಮರಂ ಹಾಕಿ ಸಂಚಾರಕ್ಕೆ ಅನುಕೂಲು ಕಲ್ಪಿಸುವಲ್ಲಿ ಅಧಿಕಾರಿಗಳು ಮೀನಾಮೇಷ ಎಣಿಸುತ್ತಿದ್ದಾರೆ. ದಿನಕ್ಕೆ ಎರಡು ಬಾರಿ ಗ್ರಾಮಕ್ಕೆ ಬಸ್ ಸಂಚಾರ ವ್ಯವಸ್ಥೆ ಕಲ್ಪಿಸಲಾಗಿದೆ. ಕಿರಿದಾದ ರಸ್ತೆಯಿಂದ ಒಂದು ವಾಹನ ಬಂದಾಗ ಮೊತ್ತೊಂದು ವಾಹನ ರಸ್ತೆ ದಾಟುವುದೇ ತೀರ ಸಮಸ್ಯೆಗೆ ಕಾರಣವಾಗಿದೆ.