ಉದಯವಾಹಿನಿ, ನವದೆಹಲಿ: ಮಿಲ್ಕಿ ಬ್ಯೂಟಿ ಎಂದಾಕ್ಷಣ ಭಾರತೀಯ ಸಿನಿಮಾರಂಗದಲ್ಲಿ ಖ್ಯಾತಿ ಪಡೆದ ನಟಿ ತಮನ್ನಾ ಭಾಟಿಯ ನೆನಪಾಗುತ್ತಾರೆ. ‘ಬಾಹುಬಲಿ’, ‘ಸಿಕಂದರ್’, ‘ಒಡೆಲಾ2’, ‘ಬಬ್ಲಿ ಬೌನ್ಸರ್’ ಸಿನಿಮಾ ಮೂಲಕ ಎಲ್ಲ ಪಾತ್ರಕ್ಕೂ ಜೀವತುಂಬಿ ಅದ್ಭುತವಾಗಿ ನಟಿಸಿ ಅಪಾರ ಅಭಿಮಾನಿಗಳ ಮನಗೆದ್ದಿದ್ದಾರೆ. ನಟಿ ತಮನ್ನಾ ಅವರು ಕ್ಯೂಟ್ ಆಗಿದ್ದು ವಿಥೌಟ್ ಮೇಕಪ್ ನಲ್ಲಿ ಯೂ ಬಹಳ ಸುಂದರವಾಗೇ ಕಾಣುತ್ತಾರೆ. ಹಾಗಾದರೆ ಅವರ ಗ್ಲೋವಿಂಗ್ ಸ್ಕಿನ್ ಗೆ ಕಾರಣ ಏನು?, ನಟಿ ತಮನ್ನಾ ಕ್ಲಿಯರ್ ಸ್ಕಿನ್ ಹೊಂದಲು ಏನು ಮಾಡುತ್ತಾರೆ ಎಂಬ ಬಗ್ಗೆ ಸೋಶಿಯಲ್ ಮಿಡಿಯಾದಲ್ಲಿ ಚರ್ಚೆಗಳು ಏರ್ಪಡುತ್ತಿದೆ. ಈ ಒಂದು ಸೀಕ್ರೇಟ್ ಅನ್ನು ಅವರು ಇತ್ತೀಚೆಗಷ್ಟೇ ರಿವಿಲ್ ಮಾಡಿದ್ದಾರೆ. ಅವರ ಬ್ಯುಟಿ ಸೀಕ್ರೆಟ್ ವಿಚಾರ ಕೇಳಿ ಅಭಿಮಾನಿಗಳೇ ಶಾಖ್ ಆಗಿದ್ದಾರೆ.
ನಟಿ ತಮನ್ನಾ ಭಾಟಿಯ ಅವರು ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ಪಾಲ್ಗೊಂಡಿದ್ದು ತಮ್ಮ ತ್ವಚೆಯ ಆರೈಕೆ ಮಾಡುವ ಕೆಲ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಮೊಡವೆ, ಗುಳ್ಳೆ, ಅಲರ್ಜಿ ಇತ್ಯಾದಿ ಆಗದಂತೆ ತ್ವಚೆಯ ಆರೈಕೆಗಾಗಿ ನಟಿ ತಮನ್ನಾ ಭಾಟಿಯ ಅವರು ಎಂಜಲು ಹಾಕುತ್ತಾರೆ ಎಂಬುದನ್ನು ಸಂದರ್ಶನದಲ್ಲಿ ತಿಳಿಸಿದ್ದಾರೆ.
ಮೊಡವೆ ಇತ್ಯಾದಿ ಸಮಸ್ಯೆ ಪರಿಹಾರಕ್ಕೆ ನಾನು ಎಂಜಲನ್ನು ಬಳಸುತ್ತೇನೆ. ಬೆಳಿಗ್ಗೆ ,ಅದು ಬ್ರಷ್ ಮಾಡುವ ಮೊದಲು ಎಂಜಲನ್ನು ಹಚ್ಚಿಕೊಳ್ಳಬೇಕು. ಇದು ವೈಜ್ಞಾನಿಕ ದೃಷ್ಟಿಯಿಂದ ಕೂಡ ಉತ್ತಮವೇ ಆಗಿದೆ. ನಾನು ವೈದ್ಯೆಯಲ್ಲ ಆದರೆ ಇದು ನನ್ನ ವೈಯಕ್ತಿಕ ನಿಲುವಾಗಿದ್ದು ಇದರ ಹಿಂದೆಯೂ ವಿಜ್ಞಾನವಿದೆ ಎನ್ನುವುದು ನನ್ನ ನಂಬಿಕೆ. ಬೆಳಿಗ್ಗೆ ಎದ್ದಾಗ ನಿಮ್ಮ ಬಾಯಿಯಲ್ಲಿ ಸಾಕಷ್ಟು ಬ್ಯಾಕ್ಟೀರಿಯಾ ವಿರೋಧಿ ಅಂಶಗಳನ್ನು ಕೂಡಿರಲಿದ್ದು ಅದು ದೇಹಕ್ಕೆ ಆರೋಗ್ಯ ಪ್ರಯೋಜನೆ ನೀಡುತ್ತದೆ ಎಂದು ಅವರು ಹೇಳಿದ್ದಾರೆ.
