ಉದಯವಾಹಿನಿ, ಬಲ್ಲಿಯಾ (ಉತ್ತರ ಪ್ರದೇಶ): ಹಜ್ಯಾತ್ರೆ ನಡೆಸುವವರಿಗೆ ಈ ಬಾರಿ ಡಿಜಿಟಲ್ ನಾವೀನ್ಯತೆಯ ಬೆಂಬಲ ನೀಡುವ ಮೂಲಕ ಅವರ ಸುರಕ್ಷತೆ ಖಾತ್ರಿ ಪಡಿಸಲು ಭಾರತೀಯ ಹಜ್ ಸಮಿತಿ ನಿರ್ಧರಿಸಿದೆ. ಇದಕ್ಕಾಗಿ 2026ರಲ್ಲಿ ಹಜ್ ಯಾತ್ರೆ ನಡೆಸುವ 1.25 ಲಕ್ಷ ಯಾತ್ರಿಕರಿಗೆ ಸ್ಮಾರ್ಟ್ವಾಚ್ ಪರಿಚಯಿಸಿದೆ.
ಭಾರತೀಯ ಹಜ್ ಸಮಿತಿ 1,22,518 ಯೂನಿಟ್ ಸ್ಮಾರ್ಟ್ವಾಚ್ಗಳಿಗೆ ಟೆಂಡರ್ಗಳನ್ನು ಡಿಸೆಂಬರ್ 2025ರಲ್ಲಿ ಆಹ್ವಾನಿಸಿತ್ತು. ಈ ಬಾರಿ ಪವಿತ್ರ ಮುಸ್ಲಿಂ ಯಾತ್ರೆ ನಡೆಸುವವರಿಗೆ ಇದನ್ನು ಸರಬರಾಜು ಮಾಡಲಾಗಿದೆ. ಮುಸ್ಲಿಂ ಪವಿತ್ರ ಸ್ಥಳವಾಗಿರುವ ಮೆಕ್ಕಾ ಮತ್ತು ಮದೀನಾಗೆ ತೀರ್ಥಯಾತ್ರೆ ಮಾಡುವುದು ಪ್ರತಿಯೊಬ್ಬ ಮುಸ್ಲಿಮರಿಗೆ ಇಸ್ಲಾಂನ ಐದನೇ ಮತ್ತು ಕೊನೆಯ ಸ್ತಂಭವಾಗಿದೆ.
ಹಜ್ ಯಾತ್ರಿಕರಿಗೆ ಸ್ಮಾರ್ಟ್ ವಾಚ್: ಭಾರತೀಯ ಹಜ್ ಸಮಿತಿ ವೆಬ್ಸೈಟ್ ಪ್ರಕಾರ, ಈ ಸ್ಮಾರ್ಟ್ ವಾಚ್ಗಳಲ್ಲಿ 1 ಜಿಬಿ ಡೇಟಾ ಹೊಂದಿರುವ ಇ ಸಿಮ್ ಅಳವಡಿಕೆ ಮಾಡಲಾಗುವುದು. ಈ ಡೇಟಾ ಅವಧಿ 60 ದಿನವಾಗಿದ್ದು, ಸೌದಿ ಅರೇಬಿಯಾದಲ್ಲೂ ಕಾರ್ಯ ನಿರ್ವಹಿಸಲಿದೆ.
ಹೃದಯ ಬಡಿತ, ಆಮ್ಲಜನಕದ ಏರಿಳಿತ, ನಡಿಗೆಯ ಲೆಕ್ಕ, ನಿದ್ರೆಯ ಟ್ರ್ಯಾಕಿಂಗ್ ಹೊಂದಿದ್ದು, ಆರೋಗ್ಯ ಕುರಿತು ಮತ್ತು ಸೂಕ್ಷ್ಮ ಆರೈಕೆ ಕುರಿತು ಮಾಹಿತಿ ಲಭ್ಯವಾಗುವಂತೆ ನೋಡಿಕೊಳ್ಳುತ್ತದೆ. ಧಾರ್ಮಿಕ ಸೌಲಭ್ಯದ ವೈಶಿಷ್ಟ್ಯವನ್ನು ಈ ವಾಚ್ ಹೊಂದಿದ್ದು, ಅಲ್ಲಿನ ಭೌಗೋಳಿಕ ಕಾಲಮಾನಕ್ಕೆ ಸರಿಯಾಗಿ ನಮಾಜ್ ಮಾಡುವ ಸಮಯದಲ್ಲಿ ಎಚ್ಚರಿಸುವ, ಕ್ವಿಬ್ಲಾ ದಿಕ್ಕುಸೂಚನೆ ಹಾಗೂ ಇಸ್ಲಾಮಿಕ್ ಸೂಚನೆಗಳನ್ನು ನೀಡಲಿದೆ.
